سپورت • 26 ناۋرىز، 2020

ۋەفا كلۋبتار رەيتينگى: قازاقستاندىق كوماندالار قاي ورىندا؟

25 رەتكورسەتىلدى

ەۋروپا فۋتبول قاۋىمداستىعى (ۋەفا) 2020 جىلعى كوماندالاردىڭ رەيتينگىن جاريالادى. كلۋبتاردىڭ رەيتينگى سوڭعى بەس جىلداعى ەۋروكۋبوك باسەكەلەرىندەگى ناتيجەلەرىنە قاراپ جاسالعان.

ۋەفا كلۋبتار رەيتينگىنىڭ العاشقى ۇشتىگىن يسپانيا كوماندالارى ەشكىمگە بەرمەي تۇر. اتاپ ايتار بولساق، ءمادريدتىڭ «رەال» كومانداسى 134.000 ۇپايمەن رەيتينگتىڭ كوشىن باستاپ كەلەدى. ەكىنشى ورىندى «اتلەتيكو مادريد» (126.000) يەلەنسە، ۇزدىك ۇشتىكتى «بارسەلونا» كلۋبى (124،000) قورىتىندىلاپ تۇر.

قازاقستاندىق كوماندالار اراسىنداعى ەڭ ۇزدىك كورسەتكىش ەلوردانىڭ «استانا» كومانداسىنا تيەسىلى. بىلتىر ەۋروپا ليگاسىنىڭ توپتىق كەزەڭىندە سىنعا تۇسكەن «استانا» ۋەفا كلۋبتار رەيتينگىندە 56-ورىنعا جايعاسقان.

2019/2020 جىلعى ەۋرودودا ماۋسىمى بويىنشا، گەرمانيانىڭ «باۆاريا» مەن فرانتسيانىڭ پسج كلۋبتارى 23.000 ۇپايمەن العاشقى ورىندى ءبولىسىپ تۇر. ءۇشىنشى ورىندا تاعى ءبىر گەرمانيالىق «رب لەيپتسيگ» كلۋب ورنالاسقان. ەنشىسىندە 22،000 ۇپايى بار.

قازاقستاندىق كوماندالار اراسىندا ادەتتەگىدەي «استانا» كومانداسى كوش باستاپ كەلەدى. 3.000 ۇپاي بار ەلوردا كومانداسى كلۋبتار رەيتينگىندە 78-ورىندا. الماتىنىڭ «قايراتى» 1،500 ۇپايمەن 147-ءشى، شىمكەنتتىڭ «ورداباسى» كلۋبى دا ءدال سونداي ۇپايمەن 168-ورىنعا تۇراقتاعان. ال 1.000 ۇپايمەن قوستانايدىڭ «توبىلى» 195-ءشى ورىندا كەلەدى.

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار