الايدا كەيبىر سوعىس نەمەسە باسقا دا توتەنشە جاعدايلارعا بايلانىستى كەيبىر بايراقتى باسەكەلەردىڭ كەيىنگە شەگەرىلىپ جاتقانىن كوزىمىز كورىپ ءجۇر. ماسەلەن, كوروناۆيرۋستىڭ كەسىرىنەن بيىل جازدا توكيودا الاۋى تۇتانۋعا ءتيىس جازعى وليمپيا ويىندارى 2021 جىلى وتەتىن بولدى. قازىرگى كەزدە ايتۋلى دودانى قاي ۋاقىتتا وتكىزەمىز دەپ ۇلتتىق وليمپيادا كوميتەتى (ۇوك) مەن جارىس قوجايىندارى باس قاتىرىپ جاتقان كورىنەدى.
ۇوق-تىڭ ۇيلەستىرۋ كوميسسياسىنىڭ جەتەكشىسى دجون كوۋتستىڭ پايىمداۋىنشا ەڭ ءتيىمدى مەرزىم شىلدە مەن مامىر ايلارى. سەبەبى, شىلدەنىڭ ورتاسىندا تەننيسشىلەردىڭ ۋيمبلدون ءتۋرنيرى اياقتالىپ, تامىزدىڭ سوڭىندا اقش-تىڭ اشىق بىرىنشىلىگى باستالادى. سونىمەن قاتار, ايتۋلى ۇيىم FINA جانە World Athletics باسشىلارىنا سۋ سپورتى تۇرلەرى جانە جەڭىل اتلەتيكادان الەم چەمپيوناتتارىن وتكىزۋ مەرزىمىن وزگەرتۋ جونىندە ءوتىنىشى ءبىلدىردى. بۇل جارىستاردىڭ جالاۋى, سايكەسىنشە, 16 شىلدە - 1 تامىز جانە 6-15 تامىز كۇندەرى ارالىعىندا جەلبىرەۋگە ءتيىس ەدى.
ارينە, ۇوق وسىنداي قادامعا بەكەر بارىپ وتىرعان جوق. جوعارىدا اتالعان سپورت تۇرلەرىنىڭ بەدەلى زور جانە كورەرمەندەرى مەن دەمەۋشىلەرى دە وتە كوپ. سول ءۇشىن دە ۇوق-تىڭ جوعارىدا اتالعان ۇيىم باسشىلارىنىڭ شەشىمىمەن ساناسۋىنا تۋرا كەلەدى.
