ەكى بوكسشى اراسىنداعى العاشقى كەزدەسۋ 2018 جىلدىڭ جەلتوقسان ايىندا لوس-انجەلەستە ءوتىپ, الىپتار ايقاسى تەڭ اياقتالعان-دى. ەكىنشى جەكپە-جەك وسى جىلدىڭ 22 اقپانىندا لاس-ۆەگاستا ۇيىمداستىرىلدى. بۇل ايقاستا باعى مەن بابى كەلىسكەن بريتانيالىق بوكسشى تايسون فيۋري قارسىلاسىنان باسىم ءتۇستى. كەزدەسۋدىڭ 8-راۋندىندا فيۋري ۋايلدەردى تەحنيكالىق نوكاۋتپەن جەڭىپ, WBC تۇجىرىمى بويىنشا الەم چەمپيونى اتانعان-دى. امەريكالىق بۇل بەلدىگىن 10 جەكپە-جەكتەن بەرى ەشكىمگە بەرمەي, ءساتتى قورعاپ كەلە جاتقان بولاتىن.
مايك كوپپيندجەردىڭ جازۋىنشا, ءۇشىنشى جەكپە-جەكتە ۋايلدەردىڭ گونورارى 40 پايىز, فيۋريدىكى 60 پايىزدى قۇرايدى. ايتا كەتەيىك, بۇعان دەيىن ەكى بوكسشى اراسىنداعى رەۆانش ايقاسى 18 ماۋسىمدا وتەدى دەپ حابارلانعان-دى. بىراق كوروناۆيرۋس پاندەمياسىنا بايلانىستى جەكپە-جەك قازان ايىنا اۋىستىرىلدى.
