سپورت • 26 ناۋرىز، 2020

شايبالى حوككەي: جەڭىمپازدى تۇراقتى بىرىنشىلىكتىڭ قورىتىندىسى بويىنشا انىقتاۋدى ۇسىندى

21 رەتكورسەتىلدى

بيىل قۇرلىقتىق حوككەي ليگاسىنىڭ (قحل) جەڭىمپازىن انىقتاۋ مۇمكىن بولماي تۇر. سەبەبى، كوروناۆيرۋسقا بايلانىستى پلەي-وفف دوداسى توقتالدى. ەندى ونىڭ قاشان جالعاساتىنى بەلگىسىز.

كۇللى الەمدى دۇرلىكتىرگەن ىندەتتىڭ بەلەڭ العان تۇسىندا حەلسينكيدىڭ «يوكەريتى» مەن نۇر-سۇلتاننىڭ «بارىسى» گاگاگرين كۋبوگى جولىنداعى جارىستى جالعاستىرۋدان باس تارتتى. كوپ ۇزاماي قحل باسشىلىعى جاعداي تولىقتاي تۇراقتاعانشا ءتۋرنيردى ۋاقىتشا توقتاتا تۇرۋ تۋرالى شەشىم قابىلادى. بىراق قاۋىپتىڭ سەيىلەتىن ءتۇرى جوق.

وسى جاعدايعا بايلانىستى كسرو-نىڭ داڭقتى حوككەيشىسى، ءۇش دۇركىن وليمپيادا جانە توعىز دۇركىن الەم چەمپيونى ۆيتالي داۆىدوۆ قحل-دىڭ بيىلعى ماۋسىمىنىڭ جەڭىمپازىن تۇراقتى بىرىنشىلىكتىڭ قورىتىندىسى بويىنشا انىقتاۋدى ۇسىندى.

–تۇراقتى بىرىنشىلىكتىڭ جارىس كەستەسىندە العاشقى ءۇش ورىندى يەلەنگەن كوماندالارعا تيەسىلى جۇلدەلەردى تابىس ەتۋ قاجەت. ال گاگارين كۋبوگى ەشكىمگە بەرىلمەيدى. مەنىڭ ويىمشا ەڭ دۇرىس ۆاريانت وسى، - دەيدى ۆيتالي داۆىدوۆ.

ەگەر جەڭىس تۇعىرىنا كوتەرىلەتىندەر جوعارىدا اتالعان پرينتسيپ بويىنشا انىقتالاتىن بولسا، وندا باس جۇلدە ماسكەۋدىڭ تسسكا كلۋبىنا تابىستالۋعا ءتيىس. اسكەريلەر 94 ۇپاي جيىپ، جارىس كەستەسىندە كوش باستادى. ەكىنشى ورىندى «اق بارىس» يەلەنەدى. قازاندىق كوماندا تسسكا-دان ءبىر ۇپاي كەم جيدى. قورجىنىندا 93 ۇپايى بار سانكت-پەتەربۋرگتىڭ سكا-سى ءۇشىنشى ساتىعا تابان تىرەيدى.  ال  نۇر-سۇلتاننىڭ «بارىسى» تۇراقتى بىرىنشىلىكتە ءتورتىنشى ورىندى ەنشىلەگەن بولاتىن. جەرلەستەرىمىز 84 ۇپايدى قورجىنعا سالدى. 

 

 

 

سوڭعى جاڭالىقتار

ىستىق تاماق تاراتتى

قازاقستان • كەشە

ۇقساس جاڭالىقتار