ونىڭ ايتۋىنا قاراعاندا, كوروناۆيرۋس رەسەي فەدەراتسياسىنان 23 ناۋرىز كۇنى كەشكە پويىزبەن ۇيىنە كەلگەن قىزدىڭ بويىنان تابىلعان. ول 24 ناۋرىز كۇنى تەمپەراتۋراسى 37,6 گرادۋس بولىپ, باسى اينالىپ تۇرعانى جونىندە جەدەل جاردەمگە حابارلاعان. جەدەل جەتكەن مەديتسينا قىزمەتكەرلەرى قىزدى تەكسەرىپ جىبەرگەندە ونىڭ ۆيرۋستى جۇقتىرعانىن انىقتاعان. الايدا سوڭعى قورىتىندىنى ايتۋ ءۇشىن بارلىق دەرەك الماتىداعى ماماندارعا جونەلتىلگەن.
قازىر قىزبەن سويلەسكەن, ارالاسقان ادامداردىڭ ءبارى دە انىقتالىپ, وقشاۋلانعان. سونىڭ ىشىندە شەكارالىق بەكەتتىڭ 13 قىزمەتكەرى دە وقشاۋلاعىشقا جەتكىزىلگەن. قىز وتىرعان ۆاگوننىڭ بارلىق جولاۋشىلارى انىقتالىپ, باقىلاۋعا الىنعان. ولاردىڭ بويىندا كوروناۆيرۋستىڭ بار-جوعى تەكسەرىلۋدە. قىزدىڭ ءوزى ۇيىندە اناسىمەن عانا قاتىناس جاساعانى بەلگىلى بولىپ وتىر. قازىر اناسى دا تەكسەرىلۋدە.
بۇگىنگى تاڭدا ۆيرۋس جۇقتىرعان قىزدىڭ جاعدايى قاناعاتتانارلىق, بىرقالىپتى, تەمپەراتۋراسى تۇسكەن. ەش جەرى اۋىرمايتىن كورىنەدى. بىراق ول وقشاۋلانعان رەجىمدە ءبىراز ۋاقىت بولادى.
سونىمەن بىرگە تيمۋر سۇلتانعازيەۆ وبلىستىڭ ىندەتكە قاروسى كۇرەسى تۋرالى دا شاعىن مالىمەت بەردى. ايتۋىنا قاراعاندا, قازىر ينفەكتسيالىق ستاتسيوناردا 65 ورىن وقشاۋلانىپ, ءتۇسىپ قالۋى مۇمكىن ناۋقاستاردى قابىلداۋعا دايىن. سونىمەن قاتار 500 ورىن كارانتيندىك ستاتسيونار دا جابدىقتالعان. مەديتسينالىق قىزمەتكەرلەردىڭ ءبارى ۆيرۋستى قايتارۋدىڭ جولدارىن وقىپ-ۇيرەنگەن. كيىمدەرى مەن قۇرالدارى دا ساي. بىراق ايتەۋىر حالىق جاماندىقتىڭ اۋلاق كەتكەنى دۇرىس دەپ تىلەپ, تازالىقتى قاتاڭ ساقتاۋلارى كەرەك دەپ ءسوزىن قورىتتى ول.
سولتۇستىك قازاقستان وبلىسى
