ارينە, ول ءۇشىن گەرمانيادا كوروناۆيرۋس ىندەتى اۋىزدىقتالىپ, جاعداي تۇراقتالۋى كەرەك. ايتۋلى ۇيىمنىڭ ءباسپاسوز قىزمەتى بۇل جاعىن دا ەسكەرتتى. قازىرگى كەزدە ۋەفا-نىڭ تالابى بويىنشا 30 ماۋسىمعا دەيىن بۋندەسليگا ويىندارىن اياقتاۋ ءۇشىن جارىس كۇنتىزبەسى قايتا جاسالىپ جاتىر.
ەستەرىڭىزگە سالا كەتەيىك, بۋندەسليگا جارىسى توقتاتىلعانعا دەيىن 25 تۋر ارتتا قالدى. ازىرگە ميۋنحەننىڭ «باۆارياسى» شاشاسىنا شاڭ جۇقتىرماي كەلەدى. ولار 55 ۇپاي جيىپ وتىر. كوش باسىنداعى كوماندانى «بورۋسسيا» وكشەلەپ كەلەدى. دورتمۋندتىقتاردىڭ «باۆاريادان» ءتورت ۇپايى كەم. سونداي-اق, ودان كەيىنگى ورىنداردى يەلەنىپ وتىرعان ۇجىمدار دا ءبىر-بىرىمەن ۇزەڭگى قاعىستىرىپ كەلەدى. ماسەلەن, «لەيپتسيگتە» - 50, مەنحەنگلادباحتىڭ «بورۋسسياسىندا» - 49 جانە لەۆەركۋزەننىڭ «بايەرىندە» - 47 ۇپايدان بار.
