كەيۋانانىڭ سەنىمىنە ابدەن كىرىپ, اسىقپاي اڭگىمەگە تارتقان الاياق جالعان ەكى مىڭ تەڭگەسىن دە ايىرتىپ الادى. الدانعانىن ارتىنان بىلگەن 76 جاستاعى كەيۋانا پوليتسياعا شاعىم جاساعان. ءدال وسىنداي وقيعانى باسقا قارتاڭ ايەل دە باسىنان كەشكەن ەكەن. ول دا پوليتسياعا شاعىنىپ ۇلگەرەدى.
الاياقتىڭ ىزىنە جەدەل تۇسكەن پوليتسيا قىزمەتكەرلەرى ونى ءبىر تاۋلىكتىڭ ىشىندە ۇستادى. 39 جاستاعى الاياق ايەل بۇعان دەيىن دە وسىنداي قىلمىس جاساپ, تۇرمەنىڭ ءدامىن تاتىپ شىققان ادام بولىپ شىقتى.
قازىر ونىڭ ۇستىنەن الاياقتىق جانە ۇساق ۇرلىق فاكتىلەرى بويىنشا قىلمىستىق كودەكستىڭ 190 جانە 187-باپتارى بويىنشا سوتقا دەيىنگى تەرگەۋ جۇرگىزىلۋدە. ۇستالعانعا قاتىستى "مىندەتتى كەلۋ" بۇلتارتپاۋ شاراسى بەلگىلەندى. وسىعان بايلانىستى مالىمدەمە جاساعان سقو پوليتسيا دەپارتامەنتى كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى پەتر كليموۆ:"بارلىق ازاماتتاردى ساق بولۋعا جانە ەگدە جاستاعى تۋعان-تۋىستارىڭىزدى الاياقتاردىڭ ارەكەتى تۋرالى ەسكەرتۋگە شاقىرامىز. الاياقتار سەنگىش ازاماتتاردى قۇرىعىنا ءتۇسىرۋ ءۇشىن كوروناۆيرۋستىڭ تارالۋىنا قاتىستى تۋىنداعان جاعدايدى دا پايدالانا وتىرىپ, ءتۇرلى وقيعالاردى ويدان شىعارىپ, ايلالارىن جۇزەگە اسىرۋعا بەيىم", - دەدى ول.
پەتروپاۆل
