تەكسەرىستەر بارىسىندا سقو-دا اكىمشىلىك قۇقىق بۇزۋشىلىق تۋرالى كودەكسىن بۇزۋدىڭ 25 فاكتىسى انىقتالدى. سونىڭ ىشىندە جەرگىلىكتى پوليتسيا قىزمەتكەرلەرى پەتروپاۆلدا سوڭعى تاۋلىك ىشىندە كومپيۋتەرلىك كلۋبتاردىڭ ءبىرىنىڭ ساعات 22.00-دەن كەيىن جۇمىس ىستەۋىنىڭ ءبىر فاكتىسىن انىقتادى. ونىڭ يەسىنە قاتىستى اكىمشىلىك حاتتاما تولتىرىلدى. بۇزۋشىلىقتارعا ايىپپۇل سالۋ نەمەسە 15 تاۋلىككە دەيىن اكىمشىلىك قاماققا الۋ تۇرىندەگى جازا كوزدەلگەن.
دەمالىس كۇندەرى وبلىس ورتالىعىندا بارلىعى تج رەجىمىن بۇزۋدىڭ 8 فاكتىسى تىركەلدى, ونىڭ 7-ءى - ءدامحانا يەلەرى تاراپىنان بولعان. اۋدان ورتالىقتارىندا دا تج رەجىمىن بۇزۋعا جول بەرىلگەن. ماسەلەن, ءۋاليحانوۆ اۋدانىنىڭ كىشكەنەكول اۋىلىندا ساعات 22-دەن كەيىن كەلۋشىلەرى بولعان ءدامحانا يەسىنە قاتىستى اكىمشىلىك ماتەريال جينالدى. كاسىپكەردىڭ قانداي جازاعا تارتىلاتىنىن سوت شەشەتىن بولادى.
"تج رەجىمىنىڭ كوزدەيتىن باستى ماقساتى - كوروناۆيرۋستىق ينفەكتسيانىڭ تارالۋىنا توسقاۋىل بولۋ ماقساتىنداعى قاعيدالاردى ساقتاۋ. ادامدار مۇنداي شەكتەۋلەرگە تۇسىنىستىكپەن قاراۋى ءتيىس, بۇل, ءبىرىنشى كەزەكتە, ازاماتتاردىڭ وزدەرىنىڭ قاۋىپسىزدىگى ءۇشىن قاجەت. سوندىقتان ونى مۇلتىكسىز ساقتاۋعا شاقىرامىز" دەيدى سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.
سولتۇستىك قازاقستان وبلىسى
