ەگەر ءتورت جىلدىقتىڭ باستى دوداسى جوسپارلانعان ۋاقىتتا وتەر بولسا, كانادا مەن اۋستراليانىڭ وليمپيادا جانە پاراليمپيادا كوميتەتى توكيوعا سپورتشىلارىن جىبەرۋدەن باس تارتىپ وتىر.
كانادا وليمپيادا جانە پاراليمپيادا كوميتەتى حالىقارالىق وليمپيادا كوميتەتى (حوك), حالىقارالىق پاراليمپيادا كوميتەتى مەن دۇنيەجۇزىلىك دەنساۋلىق ساقتاۋ ۇيىمىنا (ددسۇ) وليمپيا ويىندارىن ءبىر جىل كەيىنگە شەگەرۋ تۋرالى ۇسىنىس جاسادى.
سونىمەن قاتار اوك اتقارۋشى كەڭەسىنىڭ وتىرىسىندا اۋستراليا سپورتشىلارى شەتەلدە جانە ەلدىڭ باسقا اۋداندارىندا دايىندالاتىندىقتان, قازىر جاتتىعۋ جۇمىستارى توقتاپ تۇرعانىن, سپورتشىلار مەن ولاردىڭ ماڭايىنداعى ادامداردىڭ دەنساۋلىعى ءبىرىنشى ورىندا ەكەنىن العا تارتىپ, توكيوداعى وليمپيا ويىندارىنا بارا المايتىنىن مالىمدەدى.
كانادا مەن اۋستراليانىڭ ءىزىن الا يرلانديانىڭ وليمپيادالىق كوميتەتىنىڭ باس ديرەكتورى پيتەر شەررارد تا وليمپيادانى كەلەسى جىلى وتكىزۋدى قولدايتىنىن جەتكىزدى.
ايتا كەتەيىك, 2016 جىلى برازيليادا وتكەن جازعى وليمپيا ويىندارىنا كانادادان 314 سپورتشى قاتىسىپ, 22 مەدال جەڭىپ السا, اۋستراليادان 421 سپورتشى باق سىناپ, 29 جۇلدە ولجالاعان-دى.
