قازىر كۇن جىلىنىپ, اۋلالاردان قار كەتىپ جاتىر. جەرگىلىكتى پوليتسيا قىزمەتكەرلەرى حالىققا جانە شاعىن بيزنەس وكىلدەرىنە جاقىن ماڭدى قوقىستان تازارتۋ, سىرتقى جاقتى رەتكە كەلتىرۋ قاجەتتىگى جايلى ەسكەرتۋدە. سونىمەن بىرگە, وبلىستىق جانە رەسپۋبليكالىق ماڭىزى بار جولداردى كۇتىپ ۇستاۋ جونىندە اكىمشىلىك پوليتسيا قىزمەتكەرلەرىمەن جۇرگىزىلەتىن جۇمىس وزەكتىلىگىن جوعالتقان ەمەس. بيىل قىستا پەتروپاۆل جانە وبلىس جولدارىندا 230-دان استام تەكسەرىس جۇرگىزىلدى. جولدى قاردان دۇرىس تازالاماۋ فاكتىلەرى بويىنشا جاۋاپتى مەملەكەتتىك ورگاندار مەن مەردىگەر ۇيىمداردىڭ باسشىلىعىنا 250-دەن استام ۇيعارىم جولداندى. ولاردى ورىنداماعانى ءۇشىن جول ۇيىمدارىنىڭ باسشىلارى, كوممۋنالدىق قىزمەت وكىلدەرى اراسىنان 7 لاۋازىمدى تۇلعاعا ايىپپۇل سالىندى. «بۇگىنگى تاڭدا جۇمىستىڭ باستى باعىتى - سۋ تاسقىنىنا دايىندىققا كوشۋ بولىپ تابىلادى», - دەيدى سقو پد ءاپب باستىعى, پوليتسيا پودپولكوۆنيگى جاسۇلان وسپانوۆ. – «ماڭىزدى مىندەتتەردىڭ ءبىرى - جولداردى تاسقىننان قورعاۋعا مۇمكىندىك بەرەتىن سۋ وتكىزگىشتەردى تازارتۋ بويىنشا جول قىزمەتىنىڭ جۇمىسىنا باقىلاۋ جاساۋ. وبلىستىق جانە رەسپۋبليكالىق ماڭىزى بار اۆتوموبيل جولدارىندا بارلىعى 1185 سۋ وتكىزگىش ورنالاسقان. ونىڭ 792-ءى بۇگىنگى كۇنگە دەيىن تازارتىلدى».
سولتۇستىك قازاقستان وبلىسى
