جۋىردا وسى قۇرىلىستىڭ ماڭىنداعى جەرىن ۇسىنعان باعاعا بەرمەي, كوتتەدجىن بۇزدىرۋعا قارسى بولىپ وتىرعان جەكەمەنشىك ءۇيدىڭ قوجايىنى قۇرىلىسشىلاردىڭ تاۋلىكتىڭ تۇنگى مەزگىلىندە دە جۇمىس ىستەپ, وزدەرىنە ۇيقى بەرمەيتىندىگىنە شاعىمدانعان. مۇنداي شاعىمدى ول بۇرىن دا بىرنەشە رەت بەرگەن ەكەن. سوڭعى شاعىم بويىنشا قالانىڭ قۇرىلىس جانە ارحيتەكتۋرا ءبولىمىنىڭ سەكتور مەڭگەرۋشىسى م.مۇقىشەۆا جاۋاپ بەرىپ, ءۇيدىڭ قابىرعالارى مەن توبەسىنىڭ قۇرىلىس ماتەريالدارى ۇزدىكسىز قۇيىلاتىن بەتونمەن ارناۋلى تەحنولوگيا ارقىلى جاسالاتىن مونوليتتەن تۇراتىنىن ايتتى. سوندىقتان جۇمىس تاۋلىكتىڭ تۇنگى مەزگىلىندە دە جالعاسا بەرەدى ەكەن. الايدا ول تەحنيكالىق باقىلاۋ قىزمەتىنىڭ ەسكەرتپە جازۋىنا بايلانىستى, تۇرعىنداردىڭ تىنىشىن الاتىن بولعاندىقتان تۇنگى جۇمىستار بۇدان بىلاي تۇنگى مەزگىلدە توقتاتىلاتىنىن ايتتى.
الىپ قۇرىلىستىڭ جانىنداعى ە.سەميدوتسكيح دەگەن ايەلدىڭ كوتتەدجى قۇرىلىس ءۇشىن الىناتىندىعى تۋرالى حابارلاما سوناۋ, 2016 جىلى بەرىلگەن ەكەن. الايدا ە.سەميدوتسكيح ءوزىنىڭ ءۇيى ءۇشىن بەرىلۋگە ءتيىستى وتەماقىنى وكىرتىپ سۇراپ وتىرعان كورىنەدى. ول ءاربىر شارشى مەترگە 330 مىڭ تەڭگەدەن تالاپ ەتەدى. ال بۇل باعانى اكىمدىكتىڭ ماماندارى وتە قىمبات دەيتىن كورىنەدى. بىراق ساقتاندىرۋ كومپانياسى ماماندارىنىڭ ۇلكەيتىپ كورسەتكەن باعاسىن العا تارتىپ, ايەل دە كونەر ەمەس.
ءسويتىپ, ەكى جاقتىڭ كەلىسە الماعاندىعىنىڭ سالدارىنان قۇرىلىسقا دا كەدەرگى تۋىپ, تۇرعىندار دا تىنىشىنان ايرىلۋدا. ناتيجەسىندە وسى قۇرىلىستان پاتەر الۋ ءۇشىن اقشالارىن تولەپ قويعان قالا تۇرعىندارى دا زارداپ شەگۋدە.
پەتروپاۆل
