ايماقتار • 20 ناۋرىز، 2020

سولتۇستىك قازاقستان وبلىسىندا كارانتين بەكەتتەرى اشىلدى

55 رەتكورسەتىلدى

سولتۇستىك قازاقستان وبلىسىنىڭ اۋماعىندا تايىنشا، ايىرتاۋ، اقجار، ءۋاليحانوۆ جانە جامبىل اۋداندارىندا التى كارانتين بەكەتى اشىلىپ، جۇمىسىن باستادى. وندا پاترۋلدىك پوليتسيا جانە كوشى-قون قىزمەتكەرلەرى اۆتوكولىك قۇرالدارى، جۇرگىزۋشىلەر جانە جولاۋشىلار لەگىنە باقىلاۋ جۇرگىزەدى.

«كوروناۆيرۋس ينفەكتسياسىنىڭ تارالۋىنا جول بەرمەۋ بويىنشا كەشەندى ءىس-شارالار جۇرگىزۋ قاجەتتىلىگىنە بايلانىستى ازاماتتارىمىزدىڭ قاۋىپسىزدىگى مەن دەنساۋلىقتارىن ساقتاۋدى قامتاماسىز ەتۋگە باعىتتالعان ءماجبۇرلى شارالار قابىلدانۋدا. وبلىستىق جەدەل شتابتىڭ تاپسىرماسى بويىنشا اشىلعان كارانتين بەكەتتەرىندە، پاندەميامەن كۇرەس جۇرگىزەتىن بارلىق قىزمەتتەردىڭ ءىس-ارەكەتىن ۇيلەستىرۋ شەڭبەرىندە جۇمىستار جۇرگىزىلىپ جاتىر. وڭىرىمىزگە كىرەتىن ازاماتتار تۋرالى مالىمەتتەر بازاسى جۇيەلەنۋدە»، - دەيدى سقو پوليتسيا دەپارتامەنتىنىڭ باستىعى پوليتسيا پولكوۆنيگى مارات تولەباەۆ.

بەكەتتەردە پوليتسەيلەرمەن قاتار مەديتسينا قىزمەتكەرلەرى دە كەزەكشىلىك ەتۋدە. بۇل جەردە جۇرگىزۋشىلەر مەن جولاۋشىلارعا ساۋالناما جۇرگىزىلەدى. ونىڭ باستى ماقساتى – كىرىپ-شىعىپ جاتقان ازاماتتاردىڭ بايلانىستارىن جانە تۇراتىن جەرلەرىنىڭ مەكەنجايلارىن ءبىلۋ.

«اتالعان ءىس-شارالاردى وتكىزۋ كەزىندە پوليتسيا قىزمەتكەرلەرى مەديتسينا قىزمەتكەرلەرىنە تولىق كومەك كورسەتۋى ءتيىس، ادەپ ساقتاي وتىرىپ، اتالعان شارالاردىڭ قاجەتتىلىگى تۋرالى سابىرلىقپەن تۇسىندىرىلەدى. بۇل جۇمىسقا تۇسىنىستىكپەن قاراعان بارلىق ازاماتتارعا العىس بىلدىرەمىز. بىرلەسكەن جۇمىستىڭ تيىمدىلىگى كوبىنە حالىقتىڭ ءوزىن-ءوزى ۇستاي بىلۋىنە بايلانىستى» - دەدى وبلىستىق ۆەدومستۆو باسشىسى.

ءدال بۇگىننىڭ وزىندە «كەللەروۆكا» كارانتين بەكەتى ارقىلى 40 اۆتوكولىك قۇرالى ءوتتى.

سولتۇستىك قازاقستان وبلىسى

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار