قۇرلىقتىق حوككەي ليگاسىندا ونەر كورسەتەتىن ەلوردا كومانداسىنىڭ 2019-2020 جىلعى ماۋسىمداعى ويىندارىنا ورتا ەسەپپەن 6816 كورەرمەن كەلگەن (وتكەن جىلى بۇل كورسەتكىش 6448 كورەرمەن بولعان). وسى جەتىستىگىنىڭ ارقاسىندا «بارىس» كلۋبى ەۋروپاداعى ەڭ كوپ جانكۇيەر جينايتىن 30 كوماندانىڭ ىشىندە 24-ورىنعا جايعاسقان.
رەيتينگتە «بارىس» كلۋبىنان قحل-ءدى جەتى كومانداسى جوعارى تۇر. ولار: سكا, «دينامو من», «سپارتاك», «يوكەريت», تسسكا, «اك بارس» جانە «لوكوموتيۆ».
رەيتينگتىڭ كوشىن 19 جىلدان بەرى شۆەيتساريالىق «بەرن» كلۋبى ەشكىمگە بەرمەي كەلەدى. شۆەيتساريا استاناسىنىڭ نامىسىن قورعايتىن كوماندانىڭ ءار كەزدەسۋىن تاماشالاۋعا ورتاشا ەسەپپەن 16 237 جانكۇيەر كەلەدى.
