سپورت • 19 ناۋرىز، 2020

حابيب پەن فەرگيۋسون جەكپە-جەگى 5-ءشى رەت وتپەيتىن بولدى

116 رەتكورسەتىلدى

ارالاس جەكپە-جەكتىڭ جۇلدىزدارى رەسەيلىك حابيب نۋرماگومەدوۆ پەن اقش وكىلى توني فەرگيۋسون اراسىنداعى 18 ساۋىرگە جوسپارلانعان ايقاسى وسىمەن بەسىنشى رەت وتپەيتىن بولدى.

دالىرەك ايتار بولساق، ەكى سپورتشى اراسىنداعى جەكپە-جەك كوروناۆيرۋس ىندەتىنە بايلانىستى بەلگىسىز مەرزىمگە شەگەرىلدى. بۇل تۋرالى بۇگىن UFC باسشىلىعى حابارلادى. ۇيىمنىڭ تاراتقان اقپاراتى بويىنشا، اقش-تىڭ برۋكلين قالاسىنداعى Barclays Center ارەناسىندا ءوتۋى ءتيىس بولعان كەزدەسۋ نيۋ-يورك شتاتىنىڭ اتلەتيكالىق كوميتەتى شەشىمىمەن كەيىنگە قالدىرىلعان. قازىر اقش-تا ادامدار كوپ جينالاتىن ءىس-شارالاردان باس تارتىپ جاتىر. جەكپە-جەكتىڭ ەندى قاي قالادا جانە قاي ۋاقىتتا وتەتىنى بەلگىسىز. دەگەنمەن ۇيىمداستىرۋشىلار جانكۇيەرلەر ساتىپ العان بيلەتتىڭ تولىق قۇنىن قايتارىپ الاتىنىنا سەندىردى.

وسىدان بىرەر كۇن بۇرىن UFC باسشىلىعى 21 مەن 28 ناۋرىزعا جانە 11 ساۋىرگە جوسپارلانعان ءۇش ءىرى ءتۋرنيردىڭ وتپەيتىنىن مالىمدەگەن-ءدى. ال ۇيىم پرەزيدەنتى دانا ۋايت حابيب پەن فەرگيۋسون جەكپە-جەگىن ءدال ۋاقىتىندا وتكىزۋگە مۇددەلى بولعان ەدى.

ارالاس جەكپە-جەك جانكۇيەرلەرىنىڭ ەسىندە بولسا، وسىعان دەيىن ەكى سپورتشى اراسىنداعى ايقاس 4-ءشى رەت وتپەي قالعان بولاتىن. ەڭ العاش ەكى فايتەر 2015 جىلى كىم مىقتىنى انىقتاۋ كەرەك بولعان. بىراق رەسەيلىك سپورتشى جاراقاتىنا بايلانىستى كەزدەسۋدەن باس تارتتى. ال 2016 جىلعى جەكپە-جەك اقش سپورتشىسىنىڭ جاراقاتىنا بايلانىستى كەيىنگە قالدىرىلدى.

ارادا ءبىر جىل وتكەندە ەكى سپورتشى تاعى دا ايقاس وتكىزۋگە ۋاعدالاستى. جەكپە-جەككە ءبىر كۇن قالعاندا حابيب سالماق قۋامىن دەپ اۋرۋحاناعا ءتۇسىپ قالدى. 2018 جىلعى كەزدەسۋ ەندى ءتونيدىڭ جاراقاتىنا بايلانىستى تاعى دا كەيىنگە قالدىرىلدى. ال ەكى سپورتشى اراسىنداعى بەسىنشى ايقاسىنا جاراقات ەمەس، الەمدى جالماعان كوروناۆيرۋس ىندەتى سەبەپ بولدى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار