جولسەرىكتەردىڭ وسى جامان ادەتتەرىن اشكەرەلەۋ ماقساتىمەن قىزىلجارداعى كوررۋپتسياعا قارسى كۇرەسەتىن «قىزىلجار - ادالدىق الاڭى» («انتيكور» ورتالىعى) توبىنىڭ مۇشەلەرى جولسەرىكتەردىڭ سۋىققولدىعىن تەكسەرۋمەن اينالىسىپ كوردى. سويتسە, قىزىلجاردان كوكشەتاۋعا دەيىن دە, ءتىپتى الماتىعا دەيىن دە بيلەتسىز الا كەتۋگە ىقىلاس بىلدىرگەن جولسەرىكتەر بار بولىپ شىققان. بۇلار جول اقىسىن بيلەتتىڭ قۇنىنان كەم الاتىنىن ايتىپ, «جولاۋشىنى» قىزىقتىرا تۇسكەن.
ء«بىز مۇنداي جولسەرىكتەردى الماتىعا دەيىن جۇرەتىن №706 جۇردەك پويىزدان دا, قىزىلورداعا دەيىن باراتىن №076 پويىزدارىنان دا تاپتىق» دەيدى اشكەرەۋ جوباسىنىڭ باسشىسى امانگەلدى ساتانوۆ.
تەكسەرىس ناتيجەلەرىن ارناۋلى قىزمەتتەرگە جەتكىزگەندە كولىك باقىلاۋ ينسپەكتسياسى ءبولىمىنىڭ باسشىسى ماناربەك ىبىراەۆ وزدەرىنىڭ بيلەتسىز جولاۋشىنى الماۋعا قارسى ۇنەمى كۇرەس جۇرگىزەتىنىن ايتىپ باقتى.
«ۇستىمىزدەگى جىلدىڭ ەكى ايىندا عانا ءبىز «ادال جول» جوباسىن ىسكە اسىرىپ, 17 پويىزدى تەكسەرىپ, 15 بيلەتسىز جولاۋشىنى انىقتادىق. ولاردى العان جولسەرىكتەرگە 11 اكىمشىلىك حاتتاما تولتىرىلىپ, ايىپپۇلمەن جازالاندى. ايىپپۇلدىڭ جالپى كولەمى 84 مىڭ تەڭگەدەن استى» دەدى ول.
بيلەتسىز جۇرەتىندەردى ۇستاۋدىڭ وزەكتىلىگى كوروناۆيرۋسقا قارسى كۇرەس بارىسىندا وسىلايشا ارتىپ تۇر.
پەتروپاۆل
