كەلەسى ماۋسىمنان باستاپ ىشكى بىرىنشىلىككە قاتىسۋعا بىرىككەن اراب امىرلىكتەرىندەگى ءال-اين قالاسىنىڭ كومانداسى ءوتىنىش بەرگەن. قازىرگى تاڭدا ەكى ەل اراسىنداعى جول قاتىناسى, كەلەسى ماۋسىمنىڭ شىعىنى جانە كلۋب بيۋدجەتى بويىنشا جۇمىس جۇرگىزىلىپ جاتىر.
ەگەر ءباا كومانداسى الداعى ماۋسىمدا ەل چەمپيوناتىنا قاتىساتىن بولسا, ىشكى بىرىنشىلىكتەگى ەكىنشى شەتەلدىك كوماندا اتانباق. جانكۇيەرلەردىڭ ەسىندە بولسا, بيىلعى ماۋسىمنان باستاپ وزبەكستاننىڭ «حۋمو» كلۋبىنىڭ فارم-كومانداسى قازاقستان چەمپيوناتىندا ونەر كورسەتىپ جاتىر.
حوككەيدەن قازاقستان چەمپيوناتىنىڭ جاڭا ماۋسىمى 2020 جىلدىڭ 25 تامىزى مەن 2021 جىلدىڭ 25 ءساۋىر ارالىعىندا وتەدى دەپ جوسپارلانۋدا.
