وسىعان بايلانىستى 8 ماۋسىمعا دەيىن ءوتۋى كەرەك بولعان مادريد پەن ريمدەگى ەرلەر مەن ايەلدەر اراسىنداعى حالىقارالىق تۋرنير, WTA ساناتىنداعى ستراسبۋرگ (فرانتسيا) جانە رابات (ماروككو), سونىمەن قاتار ATP جارىسى اياسىنداعى ميۋنحەن (گەرمانيا), ەشتوريل (پورتۋگاليا), جەنەۆا (شۆەيتساريا) مەن ليونداعى (فرانتسيا) تەننيس ءتۋرنيرى كەستەگە ساي وتپەيتىن بولدى. سونداي-اق ۇيىمنىڭ حابارلاۋىنشا, وسى ۋاقىت ارالىعىندا ەرلەر مەن ايەلدەر اراسىنداعى الەمدىك رەيتينگتە ەش وزگەرىس بولمايدى.
سونىمەن قاتار حالىقارالىق تەننيس فەدەراتسياسى دا (ITF) رەسمي سايتىندا 8 ماۋسىمعا دەيىن تۋرنير وتكىزبەيتىنى تۋرالى شەشىم قابىلداعانىن جاريالادى.
ەسكە سالا كەتەيىك, بۇعان دەيىن كوروناۆيرۋسقا بايلانىستى ATP جانە WTA التى اپتاعا دەيىن تۋرنير وتكىزبەيتىندىكتەرىن ايتقان بولاتىن. سونداي-اق كەشە «ۇلكەن دۋلىعا» ساناتىنداعى فرانتسيا اشىق چەمپيوناتى 2020 جىلدىڭ كۇز مەزگىلىنە اۋىستىرىلدى.
