سەرگەەۆ قالاسىنىڭ 72 جاستاعى تۇرعىنى ءسالىم سىزدىقوۆ تا وسىنداي قارا سۋىقتا دالادا قالعان. پەتروپاۆلدان كەلە جاتقان جولدا ونىڭ «Audi» ءاۆتوموبيلى مادەنيەت سەلوسىنىڭ ماڭىندا توقتاعاننان وت المايدى. قانشا اۋرەلەنسە دە ەسكى ماشينا سول وشكەننەن تراسسانىڭ بويىندا تۇرىپ قالادى.
جايشىلىقتا جۇرگىزۋشىلەر جول پوليتسياسىنا جولىعۋدان قورقىپ, اينالىپ كەتۋگە تىرىسادى. باسقا امالى جوق س.سىزدىقوۆ بۇل جولى پاترۋلدىك پوليتسيانىڭ قىزمەتكەرلەرى يۋلي دانيلچەنكو مەن بەكبولات بۇركىتبايدى ءوزى توقتاتۋعا ءماجبۇر بولادى. جول قاۋىپسىزدىگىن باقىلاپ جۇرگەن پوليتسەيلەر وعان بىردەن كومەك قولىن سوزىپ, 40 شاقىرىم جەردەگى نيكولاەۆكا سەلوسىنا دەيىن سۇيرەپ اپارادى. ونىمەن دە شەكتەلمەي شال اقىن اۋدانىنداعى ارىپتەستەرىن سول جەرگە شاقىرىپ, نيكولاەۆكادان ءارى اۋدان ورتالىعى سەرگەەۆكاعا الىپ بارۋلارىن وتىنەدى.
ءسويتىپ, قالعان 50 شاقىرىم جەرگە شالاقىندىق پاترۋلدەر باۋىرجان زاكيروۆ پەن باقتيار الپىسباەۆ جەتكىزەدى. ەكى ساعاتتان كەيىن ۇيىنە امان –ەسەن جەتكەن ءسالىم سىزدىقوۆ پوليتسيا قىزمەتكەرلەرىنە العىسىن جاۋدىردى.
قازىر سولتۇستىكقازاقستاندىق پاترۋلدىك پوليتسيا قىزمەتكەرلەرى ۇنەمى وسىنداي العىستار الۋدا. ولار ادال ەڭبەكتەرىنىڭ جەمىسىن دە كورىپ ءجۇر. بىلتىر وسى باتالوننىڭ بارلىق 110 سەرجانتىنا لەيتەنانت پەن كىشى لەيتەنانت اتاقتارى بەرىلىپ, وفيتسەر اتاندى. سودان بەرى ەڭبەكاقىلارى دا ارتقان.
سولتۇستىك قازاقستان وبلىسى
