ايماقتار • 19 ناۋرىز، 2020

«ازىلقوي» ايەلدىڭ دەگەنى بولمادى

660 رەتكورسەتىلدى

سولتۇستىكقازاقستاندىق ماس ايەل «103» نومىرىنە حابارلاسىپ، ىستىعى كوتەرىلىپ، باسى اينالىپ تۇرعانىن، ال الدىندا، بىرنەشە كۇن بۇرىن عانا يتالياندىق ەركەكپەن كەزدەسكەنىن باسقا بىرەۋدىڭ اتىنان جەتكىزەدى.

بۇل دابىلدان شوشىپ كەتكەن دارىگەرلەر دەرەۋ جولعا شىققانىمەن ايەل حابارلاسقان ەلدى مەكەننەن ونداي ادامدى تابا الماي دال بولادى. سوسىن پوليتسياعا حابارلاپ، وزدەرىنە وسىنداي دابىل تۇسكەنىن ايتادى.

بۇل وقيعا ماعجان جۇماباەۆ اۋدانىندا بولعان ەدى. اۋداننىڭ بارلىق پوليتسياسى اياعىنان تىك تۇرىپ، ايەلدى ىزدەيدى. ال ول بۇل ۋاقىتتا قاننەن-قاپەرسىز وسى اۋداننىڭ باسقا اۋىلىنداعى ۇيىندە وتىرادى. پوليتسيا قىزمەتكەرلەرى ونى ءوزىنىڭ ۇيىنەن ۇستايدى. سويتسە، اتالعان مەزگىلدە بۇل اۋىلعا  ەشقانداي شەتەلدىك تە كەلمەگەن، ايەلدىڭ بويىنان كوروناۆيرۋستىڭ بەلگىلەرى دە تابىلماعان.

ەندى ءازازىلدىڭ قىزۋىنا بورتكەن «ازىلقوي» ايەلگە 40 مىڭ تەڭگەنىڭ كولەمىندە ايىپپۇل سالىنباقشى. ارناۋلى قىزمەتتى الداپ شاقىرعاندىعى ءۇشىن اكىمشىلىك كودەكستە وسىنداي جازا قاراستىرىلعان.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار