كەشە سولتۇستىك قازاقستان وبلىسى تج دەپارتامەنتىنىڭ باستىعى راميل كامالوۆ ايىرتاۋ اۋدانىنا جۇمىس ساپارىمەن بارىپ, اۋدانداعى ەلدى مەكەندەردىڭ سۋ تاسقىنىنا قارسى شارالارىنىڭ بارىسىمەن تانىستى. بۇل اۋدان تابيعاتتىڭ دۇلەي كۇشىمەن تالاي رەت الىسقان, سوندىقتان وعان قارسى شارالار جەرگىلىكتى اتقارۋشى ورگاندار مەن تج دەپارتامەنتىنىڭ ۇنەمى نازارىندا بولىپ كەلەدى.
تج دەپارتامەنتىنىڭ باستىعى ر.كامالوۆ جاڭادان تاعايىندالعان اۋدان اكىمى د.امرينمەن بىرگە يمانتاۋ, كونستانتينوۆكا, گۋساكوۆكا اۋىلدارىنا باردى. وسى اۋىلدار اۋماعىنداعى بابىق بۇرلىق, وسينوۆكي وزەندەرىنىڭ سۋ وتكەلدەرى مەن كوپىرلەرىنىڭ اعىستىڭ كۇشىنە توتەپ بەرە الۋ مۇمكىنشىلىگىمەن تانىستى. جالپى ءبىرشاما جۇمىس ىستەلگەنىمەن, كەيبىر سۋ وتكەلدەرىنىڭ ارشىلماي جاتقانىنا اتقامىنەرلەر قىنجىلىس تا ءبىلدىردى. وسى تاراپتا ءتيىستى قىزمەتكەرلەرگە ەسكەرتۋلەر مەن تاپسىرمالار بەرىلدى.
ء«بىزدىڭ ەڭ باستى مىندەتىمىز - اۋىل تۇرعىندارىنىڭ اماندىعىن ساقتاۋ. ول ءۇشىن قارعىن سۋدىڭ اپاتىن بار كۇشىمىزدى سالىپ بولدىرماۋعا تىرىسۋىمىز كەرەك» دەدى راميل كامالوۆ.
سولتۇستىك قازاقستان وبلىسى,
ايىرتاۋ اۋدانى
