ايماقتار • 19 ناۋرىز، 2020

ىندەتتى ىندەتپەۋدىڭ امالدارى

17 رەتكورسەتىلدى

كەشە سولتۇستىك قازاقستان وبلىسىنىڭ اكىمى قۇمار اقساقالوۆ تا تىكەلەي ەفير ارقىلى سويلەپ، كوروناۆيرۋسقا قارسى كۇرەستىڭ قالىپتى جاعدايدا ءجۇرىپ جاتقانىن ايتىپ، حالىقتى تىنىشتاندىردى. ونىڭ ايتۋىنا قاراعاندا وبلىستا ازىق-ت ۇلىك قورى جەتكىلىكتى، ماسكالار مەن انتيسەپتيكتەر شىعارۋ دا قولدان كەلەتىن كورىنەدى.

Cونىمەن بىرگە ول وبلىستاعى ىندەتكە قارسى كۇرەس احۋالىنىڭ جاي-كۇيىن بايانداپ بەردى. سونىڭ ىشىندە جوو-لار مەن كوللەدجدەردىڭ ونلاين وقۋ رەجىمىنە كوشكەندىگى، بالاباقشالارعا كەلمەگەن بوبەكتەردىڭ ورىندارى ساقتالاتىندىعى، كولىك قوزعالىستارىنداعى شەكتەۋلەر جانە ت.ب. ايتىلدى.

    - سقو اۋماعىنان 15 ساۋىرگە دەيىن قازاقستاندىقتاردىڭ سىرتقا شىعۋىنا بولمايدى. مۇنداي ءتاسىلدى رەسەي فەدەراتسياسى دا جاساپ وتىر. بىراق قولدارىندا ءتيىستى قۇجاتى بولسا شەتەلدە ەمدەلۋگە باراتىن ادامدارعا رۇقسات ەتىلەدى. سولتۇستىكقازاقستاندىقتاردى باسقا وڭىرلەرگە بارماۋعا شاقىرامىن. اۋىلداردان اۋدان ورتالىعىنا جانە قالاعا كەلمەۋگە كەڭەس بەرەمىن. وڭىردە ازىق ت ۇلىك قورى جەتكىلىكتى. كوپ كولەمدە تاۋارلار الۋدىڭ قاجەتتىلىگى جوق»، - دەدى قۇمار اقساقالوۆ.

سونىمەن بىرگە ول جۇمىس بەرۋشىلەردىڭ ءوز قىزمەتكەرلەرىنىڭ الدىنداعى الەۋمەتتىك جاۋاپكەرشىلىگىن ەستەرىنە سالدى. جۇمىس ۋاقىتتارى شەكتەلگەنىمەن ەڭبەكاقىلارى تولەنۋى تالاپ ەتىلەتىندىگى ايتىلدى. بيزنەستى قولداۋعا مەملەكەتتىڭ 300 ملرد تەڭگە باعىتتاپ وتىرعانىن ايتا وتىرىپ، اكىم يمپورتتى بارىنشا قىسقارتىپ، ءبارىن ءوزىمىز شىعارۋعا مىندەتتى ەكەندىگىمىزدى ەسكە سالدى. سالىقتىق جەڭىلدىكتەر دە قاراستىرىلىپ وتىرعانى جەتكىزىلدى.  

قازىر وبلىستا كوروناۆيرۋس تىركەلمەگەن. شەتەلدەن كەلگەندەر كارانتينعا جىبەرىلەدى. سانيتارلى جانە دەزينفەكتسيالى شارالار كۇشەيتىلدى. وڭىردە كاسىپورىنداردىڭ جۇمىسى ماسكا شىعارۋعا بەيىمدەلىپ، ءوندىرىس باستالدى. تۇرمىستىق حيميا فابريكاسى انتيباكتەريالدى سابىن شىعارا باستادى. وعان قوسا، دەزينفەكتسيالىق زاتتاردى شىعارۋ قولعا الىندى. 

سولتۇستىك قازاقستان وبلىسى

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار