«ياگۋار» تىگىن فابريكاسى ورال قالاسىندا 2015 جىلدان بەرى جۇمىس ىستەيدى. فابريكا ديرەكتورى بەرىك ابىلقاسوۆتىڭ ايتۋىنشا, مەكەمەدە نەگىزىنەن مۇمكىندىگى شەكتەۋلى ماماندار قىزمەت ەتەدى. كاسىپورىن نەگىزىنەن ارنايى كيىمدەر, قىزمەتتىك كوستيۋمدەر تىگۋمەن اينالىسىپ كەلگەن.
-ەلىمىزدە توتەنشە جاعداي جاريالانىپ, ۇلكەن-كىشى كوروناۆيرۋس ىندەتىنە قارسى جۇمىلعان كەزدە ءبىز دە قاراپ جاتا المادىق. ويتكەنى ورال قالاسىندا دا مەديتسينالىق ماسكا توڭىرەگىندە ءتۇرلى اڭگىمە كوبەيىپ كەتتى. سۇرانىس بار, تاۋار جوق. وسىدان كەيىن ۇجىمىمىزبەن اقىلداسىپ, جۇمىسىمىزدىڭ باعىتىن ۋاقىتشا وزگەرتۋگە شەشىم قابىلدادىق. ياعني جەرگىلىكتى حالىقتىڭ سۇرانىسىن وتەۋگە كومەكتەسۋ ءۇشىن بەتپەردە تىگۋگە كىرىستىك, - دەيدى بەرىك ابىلقاسوۆ.
«ياگۋار» تىگىن فابريكاسى 4 كۇن ىشىندە 6 مىڭنان اسا ماسكا تىگىپ ۇلگەرگەن ەكەن. ونى كوبىنە مەكەمەلەر كوتەرمە باعامەن ساتىپ الۋدا. بەتپەردەنىڭ كوتەرمە باعاسى 180 تەڭگەدەن.
-ءونىمنىڭ باعاسى قىمباتتاۋ ەكەنى راس. بىراق شەكارا جابىلىسىمەن شيكىزات, ياعني ماتا قۇنى قىمباتتاپ كەتتى. بىراق ءبىزدىڭ بەتپەردەنىڭ ەرەكشەلىگى - تابيعي ماتادان تىگىلگەن, جۋىپ, وڭدەپ, قايتادان پايدالانۋعا بولادى. ءبىر بەتپەردە 10-15 كۇنگە جەتەدى, - دەيدى كاسىپورىن باسشىسى.
باتىس قازاقستان
