پاريجدە وتەتىن ايتۋلى جارىس 1891 جىلدان بەرى ۇيىمداستىرىلىپ كەلەدى. 129 جىلدىق تاريحى بار رولان گارروستىڭ كورتىندا تالاي جۇلدىزدى ويىنشىلار جاسىنداي جارقىراعان. سولاردىڭ اراسىندا رافاەل ءنادالدىڭ شوقتىعى بيىك. بۇل كۇندەرى ورەلى ونەرىمەن كوپشىلىكتى ءسۇيىسىندىرىپ جۇرگەن يسپاندىق تەننيسشى وسى دودادا 12 مارتە دارا شىقتى. سوڭعى ءۇش تۋرنيردە دە نادال توپ جاردى. 2017 جىلى ول شۆەيتساريالىق ستەن ۆاۆرينادان باسىم تۇسسە, 2018 جانە 2019 جىلدارى كانادالىق دومينيك تيمگە تىزە بۇكتىردى. ايەلدەر اراسىندا كريس ەۆەرتتىڭ الدىنا تۇسەر ەشكىم تابىلماي تۇر. وتكەن عاسىردىڭ جەتپىس جانە سەكسەنىنشى جىلدارى اتوي سالعان امەريكالىق ارۋ جەتى بىردەي جارىستىڭ جەڭىمپازى اتاندى. بىلتىرعى تۋرنيردە اۆستراليالىق ەشلي ءبارتيدىڭ ايقىن جەڭىسىمەن اياقتالدى. فينالدا ول چەحيالىق ماركەتا ۆوندروۋشوۆانى ۇتتى.
ۇستىمىزدەگى جىلى وتەتىن رولان گارروستىڭ جالاۋى 20 قىركۇيەك پەن 4 قازان ارالىعىندا جەلبىرەيدى دەپ كۇتىلۋدە.
