ايماقتار • 18 ناۋرىز، 2020

قۇرامىندا ەسىرتكىسى بار پرەپاراتتاردىڭ اينالىسى تەكسەرىلدى

15 رەتكورسەتىلدى

جۋىردا سقو پوليتسياسى مەديتسينالىق مەكەمەلەردى تەكسەرىپ، ولاردىڭ ءبىرازىنىڭ باسشىلارىن قۇرامىندا ەسىرتكىسى بار پرەپاراتتاردى نۇسقاۋلىققا سايكەس قولدانباعاندارى ءۇشىن جاۋاپكەرشىلىككە تارتتى.

«دارمەك» دەپ اتالاتىن بۇل وپەراتسيانىڭ ماقساتى – قۇرامىندا ەسىرتكى زاتتارى بار دارىلەردىڭ اينالىمعا ەنىپ، قىلمىس الەمىنىڭ ولاردى تەرىس پايدالانۋىن بولدىرماۋعا باعىتتالعان ەدى. تەكسەرىسپەن مەديتسينالىق مەكەمەلەرمەن قاتار ءدارىحانالار مەن ونەركاسىپتىك كاسىپورىندار دا قامتىلدى.

تەكسەرىس بارىسىندا قىلمىس الەمىنە ەسىرتكىنىڭ ەنىپ كەتۋىنە مۇمكىندىك بەرەتىن سەگىز جاعداي انىقتالدى. ماسەلەن، مەديتسينالىق مەكەمەلەردىڭ بىرىندە قۇرامىندا ەسىرتكى زاتتارى بار پرەپاراتتاردىڭ ساقتالۋى مەن كۇزەتى ءالسىز بولعانى ءۇشىن ونىڭ باسشىسىنا ايىپپۇل سالىناتىن بولدى. زاڭ بويىنشا مۇندايعا 100 اەك كولەمىندەگى ايىپپۇل قاراستىرىلعان. تاعى ءبىر مەكەمەدە قۇرامىندا كودەينى بار پرەپارات رەتسەپسىز ساتىلعان. قۇرامىندا ەسىرتكى زاتى بار امپلۋالار اشىلىپ، پرەپاراتى الىنعاننان كەيىن شىنىسى بىردەن جويىلۋى كەرەك ەكەن. ال ءبىر مەكەمەدە ولار ەكى ايدان بەرى ساقتالعان. تيىسىنشە بۇل مەكەمەنىڭ باسشىسىنا دا ايىپپۇل سالىندى.

تەكسەرۋشىلەر بارلىعى 393 تابلەتكا مەن 26 امپلۋنى تاركىلەدى. ەسىرتكىنىڭ زاڭسىز اينالۋىنىڭ 11 فاكتىسىنىڭ الدىن الدى. سونىڭ ارقاسىندا 830 گراممنىڭ ەسىرتكىسى اينالىمعا ەنبەدى، ونىڭ ىشىندەگى 777،1 گراممى «سپايس» اتتى پسيحوبەلسەندى زات.   «وبلىستاعى قۇرامىندا ەسىرتكىسى بار زاتتار مەن پسيحوتروپتى زاتتار اينالىمى جالپى ايتقاندا باقىلاۋدا. دەگەنمەن پەتروپاۆل قالاسىنىڭ ءبىر اۋدانىندا ولاردىڭ اينالىسىنان بۇزۋشىلىقتار تابىلىپ، مەديتسينالىق مەكەمەلەردىڭ باسشىلارىنا ايىپپۇل سالىندى»، دەيدى سقو پد ەسىرتكىگە قارسى كۇرەس باسقارماسىنىڭ باستىعى جاندوس باسىباەۆ.

سولتۇستىك قازاقستان وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار