سەمەي ءوڭىرىنىڭ تۋماسى الەمدىك سپورت تاريحىندا وزىندىك ءىز قالدىرعان ازامات. قىسقا قاشىقتىققا جۇگىرۋدى سەرىك ەتكەن ول كسرو رەكوردىن جاڭارتتى, كوپتەگەن حالىقارالىق جارىستاردا جەڭىس تۇعىرىنا كوتەرىلدى. 1960 جىلى ريمدە الاۋى تۇتانعان وليمپيا ويىندارىنىڭ 4ح100 ەستافەتالىق سايىسىندا عۇسمان ءوزىنىڭ كوماندالىق ارىپتەستەرىمەن بىرگە كۇمىس مەدالدى يەلەندى. وسىلايشا, قوسانوۆتىڭ ەسىمى عالامدىق دودادا جۇلدە العان تۇڭعىش قازاق سپورتشىسى رەتىندە تاريحتا قالدى. 1965 جىلى كيەۆتە وتكەن كسرو مەن اقش قۇرامالارى اراسىنداعى ماتچتىق كەزدەسۋدىڭ جەڭىمپازى اتاندى.
مىنە, سول ايگىلى جەلاياقتى ەسكە تۇسىرۋگە ارنالعان جارىس بيىل 30 مارتە ۇيىمداستىرىلعالى وتىر. سول مەرەيتويلىق دودانىڭ World Athletics Continental Tour 2020 جارىستار سەرياسى ساناتىنا ەنۋى ايتۋلى باسەكەنىڭ دەڭگەيى مەن مارتەبەسىنىڭ وسۋىنە وڭ ىقپال ەتەتىنى داۋسىز.
