«قوعامدىق ءتارتىپتى قامتاماسىز ەتۋ ماقساتىندا قازىر ناريادتاردىڭ جيىلىگى ارتتىرىلدى. بۇگىنگى تاڭدا كۇن سايىن 200-دەن ارتىق قىزمەتكەرىمىز قوعامدىق ءتارتىپتى كۇزەتۋگە شىعادى. ونىڭ ىشىندە اسكەري قىزمەتكەرلەر دە بار» دەدى ول.
توتەنشە جاعدايدىڭ ءبىر قاتاڭ تالابى – ازاماتتاردىڭ قالتاسىندا جەكە باسىن كۋالاندىراتىن قۇجاتتارىنىڭ بولۋى. وسى ۋاقىتقا دەيىن بۇل ىسكە سالدىر-سالاق قاراپ كەلگەن قالا قوناقتارى قازىر جاپپاي تولقۇجات الۋعا كوشۋدە. وتكەن دەمالىس كۇندەرى عانا جۇزدەگەن ادام ميگراتسيالىق قىزمەت ورتالىعىنا كەلىپ, قۇجات جاساتۋعا تاپسىرىس بەرگەن.
ەلىمىزدە ەپيدەمياعا قارسى جاپپاي كۇرەس جۇرگىزىلىپ جاتقاندا كەيبىر ەرىككەن الەۋمەتتىك جەلى قولدانۋشىلار كوروناۆيرۋستىڭ تارالۋى جونىندە وتىرىك اقپارلار جازۋدا. پوليتسيا وتىرىك اقپارات ءۇشىن كەم دەگەندە ءبىر مىڭ ايلىق ەسەپتىك كورسەتكىش كولەمىندە ايىپپۇل سالىناتىنىن دا تۇرعىندارعا ەسكەرتۋدە. وتىرىكتىڭ جازاسى, ءتىپتى, ءبىر جىلعا باس ەركىنەن ايىرۋ دا بولۋى مۇمكىن ەكەندىگى ايتىلىپ جاتىر.
جالپى, قالادا تىنىشتىق. جۇرتتىڭ دۇربەلەڭى مەن ۇرەيى جوق.
پەتروپاۆل
