ءاليا مۇحانبەتجانوۆا باتىس قازاقستان وبلىسى ورال قالاسىندا 1978 جىلى دۇنيەگە كەلگەن. باتىس قازاقستان مەملەكەتتىك اگرارلىق ۋنيۆەرسيتەتىن «اگروحيميا جانە توپىراقتانۋ», م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن «ورىس ءتىلى مەن ادەبيەتى, شەت ءتىلى» ماماندىقتارى بويىنشا تامامداعان.
ءار جىلدارى باتىس قازاقستان وبلىسىنىڭ زەلەنوۆ (قازىرگى بايتەرەك) اۋدانىندا كوجەۆنيكوۆ ورتا مەكتەبىنىڭ مۇعالىمى, جەر رەسۋستارىن باسقارۋ جونىندەگى اۋداندىق ءبولىمىنىڭ جەتەكشى مامانى, زەلەنوۆ اۋدانى اۋىل شارۋاشىلىعى جانە جەر قاتىناستارى ءبولىمىنىڭ جەر قاتىناستارى جونىندەگى باس مامانى, زەلەنوۆ اۋدانى جەر قاتىناستارى ءبولىمىنىڭ مەڭگەرۋشىسى, زەلەنوۆ اۋدانىن جەر قاتىناستارى ءبولىمىنىڭ باسشىسى قىزمەتتەرىن اتقارعان. 2014 جىلدىڭ تامىز ايىنان باستاپ بۇگىنگە دەيىن باتىس قازاقستان وبلىسىنىڭ جەر قاتىناستارى باسقارماسىنىڭ باسشىسى لاۋازىمىندا بولدى.
ال بۇعان دەيىن شىڭعىرلاۋ اۋدانى اكىمى قىزمەتىن اتقارعان ەرجان تۇرماعامبەتوۆتىڭ بۇل قىزمەتتەن ءوز ەركىمەن كەتكەنى ءمالىم بولدى.
«2019 جىلدىڭ اياعىندا شىڭعىرلاۋ اۋدانىندا ءبىلىم بەرۋ ءبولىمى باسشىسىنا قاتىستى جەمقورلىق فاكتىسى تىركەلگەن بولاتىن. وسى وقيعالارعا بايلانىستى قازىرگى اۋدان اكىمى تۇرماعامبەتوۆ ەرجان رىسجان ۇلى ءوز ەركىمەن جۇمىستان كەتۋ تۋرالى شەشىم قابىلداپ, ءوتىنىشىن ءبىلدىردى. وبلىس اكىمى ەرجان رىسجان ۇلىنىڭ ءوتىنىشىن ماقۇلدادى. جاڭا ەرەجە شىقپاس بۇرىن بولعان وقيعا بولعانىمەن, باسشى رەتىندە بارلىق جاۋاپكەرشىلىكتى مويىنداي وتىرا وسىنداي شەشىم قابىلداعان اۋدان اكىمىنىڭ ارەكەتى – ونىڭ تاربيە كورگەن, ادامگەرشىلىگى جانە باسشى رەتىندە جاۋاپكەرشىلىگى مول ازامات ەكەنىن كورسەتەدى. ەرجان رىسجان ۇلى تاجىريبەسى مول مەملەكەتتىك قىزمەتشى. ءالى دە ەلگە تيگىزەر پايداسى كوپ. ول كادر رەزەرۆىندە بولادى» دەلىنگەن باتىس قازاقستان وبلىسى اكىمدىگى ءباسپاسوز قىزمەتى تاراتقان مالىمدەمەدە.
باتىس قازاقستان
