ءتارتىپ ساقشىلارى تۇرعىنداردىڭ سۇراقتارىن تىڭداپ, پوليتسيا ۆەدومستۆوسىنىڭ الەۋمەتتىك جەلىلەردەگى Facebook پەن Instagram پاراقشالارىنداعى تىكەلەي ەفير كەزىندە قولدانۋشىلارعا كەڭەستەرىن بەردى. پوليتسەيلەرمەن بىرگە سولتۇستىكقازاقستاندىقتاردىڭ سۇراقتارىنا جاۋاپ بەرۋ ءۇشىن سولتۇستىك قازاقستان وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءبولىم باسشىسى سامات بارمەنباەۆ پەن سقو بويىنشا مەملەكەتتىك كىرىستەر دەپارتامەنتى كەدەندىك باقىلاۋ ءبولىمىنىڭ باستىعى دميتري وسيپوۆ تا قاتىستى.
سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆتىڭ ايتۋىنشا, كەڭ اۋقىمدى «جولداۋ قابىلداۋ» اكتسياسى اي سايىن, ەكى كۇن بويى وتكىزىلەدى. «بۇگىنگى قابىلداۋىمىز قر ىشكى ىستەر ءمينيسترىنىڭ باستاماسىمەن 2019 جىلدىڭ ءساۋىر ايىنان باستاپ جاڭا فورماتا وتكىزىلىپ كەلە جاتقان اكتسيانىڭ ون ەكىنشى كەزەڭى. وتكەن جىلى «جولدا قابىلداۋ» اكتسياسى شەڭبەرىندە سقو پوليتسيا دەپارتامەنتىنە 4 مىڭنان استام ءتۇرلى تاقىرىپتاعى سۇراقتار كەلىپ ءتۇستى», - دەيدى قانات ايتباەۆ.
ماعجان جۇماباەۆ اۋدانىندا 30 جىل بويى قۇجاتسىز تۇرىپ كەلگەن اپالى-ءسىڭلىلى ءۇش ايەل وسى «جولدا قابىلداۋ» اكتسياسى كەزىندە العاش رەت قۇجاتتار الدى. ولار رەسەي فەدەراتسياسىنان قازاقستانعا 1990 جىلى قونىس اۋدارعان ەكەن. اۋىلدى جەردە تۇرىپ كەلگەن نۇعىمانوۆالار قۇجاتتاردىڭ كەلەشەكتە قاجەت بولاتىندىعىنا ءمان بەرمەپتى. ەندى ولار «جولدا قابىلداۋ» اكتسياسى بارىسىندا سقو پوليتسيا دەپارتامەنتىنىڭ باستىعى پوليتسيا پولكوۆنيگى مارات تولەباەۆقا جۇگىنگەن. وسى ۋاقىتقا دەيىن قۇجات الا الماۋ سەبەبى - تۋ تۋرالى كۋالىكتەرى جوعالىپ, رەسەي تاراپىنان قاجەتتى جاۋاپتىڭ كەلمەۋى ەكەن. سقو پد كوشى-قون قىزمەتى باسقارماسىنىڭ قىزمەتكەرلەرى رەسەيدەگى قازاقستان ەلشىلىگى مەن ادام قۇقىقتارى جونىندەگى حالىقارالىق بيۋرومەن بايلانىسقا شىعىپ, نۇعىمانوۆالاردىڭ ماسەلەسىن شەشىپ بەردى. قازىر داريحا, كامەش جانە ءدانيا ەسىمدى ءۇش نۇعىمانوۆا جەكە كۋالىكتەرىن الۋعا جولداما الدى. ولاردىڭ پوليتسياعا ايتار العىسى شەكسىز.
