ايماقتار • 13 ناۋرىز، 2020

ەشقانداي دۇربەلەڭگە جول جوق

30 رەتكورسەتىلدى

سولتۇستىك قازاقستان وبلىسىنىڭ اكىمى قۇمار اقساقالوۆ ۇستىمىزدەگى جىلدىڭ ەكى ايىنىڭ قورىتىندىسى بويىنشا ايماقتىڭ الەۋمەتتىك-ەكونوميكالىق دامۋ قورىتىندىلارىن قاراعان وتىرىس وتكىزدى.

وتىرىستى اشقان ول الدىمەن كورونوۆيرۋسقا قارسى مەملەكەتىمىزدە جاسالاتىن ساقتىق شارالارى تۋرالى ايتتى. سونىڭ ىشىندە مەكتەپ وقۋشىلارىنىڭ 16 ناۋرىزدان باستاپ كانيكۋلعا شىعاتىندىعى، جوو-لار مەن كوللەدجدەردەگى وقۋلار ونلاين رەجىمگە كوشىرىلەتىندىگى، ناۋرىز مەيرامىن اتاپ ءوتۋ جىلداعىداي كوشەلەردە بولمايتىندىعى، مۋزەيلەرگە ەكسكۋرسيالار جاسالمايتىندىعى جانە ت.ب. ايتا كەلىپ ول: «قازاقستاندا ەشقانداي كورونوۆيرۋس جوق. مۇنىڭ ءبارى الدىن الۋ شارالارى. قازاقشا ايتقاندا «ساقتىقتا – قورلىق جوق» دەگەن تالاپتىڭ ورىندالۋى. سوندىقتان ەشقانداي دۇربەلەڭگە، الىپ قاشپا سوزدەرگە جول بەرىلمەسىن»، دەپ قاتاڭ ەسكەرتتى. سونىمەن بىرگە ول باعانى ەش نەگىزسىز ارتتىرۋدىڭ جولدارى كەسىلەتىندىگىن دە اتاپ ايتتى. «بارلىق ساۋدا جۇيەسى باعانى نەگىزسىز شارىقتاتۋعا قارسى قۇرىلعان شتابتىڭ نازارىندا بولادى»، دەدى اكىم.

ۇستىمىزدەگى جىلدىڭ ەكى ايىنىڭ قورىتىندىلارىنا قاراعاندا  وبلىستىڭ الەۋمەتتىك-ەكونوميكالىق دامۋى قالىپتى جاعدايدا ەكەندىگى كورىنىپ تۇر. وبلىس اكىمدىگىنىڭ ەكونوميكا باسقارماسىنىڭ باستىعى ا.قازبەكوۆتىڭ بايانداماسىنا قاراعاندا دامۋ وتكەن جىلدىڭ سايكەس مەرزىمىمەن سالىستىرعاندا 102،6 پايىز بولعان. سونىڭ ىشىندە تۇرعىن ۇيلەردى پايدالانۋعا بەرۋ 7.، قۇرىلىس قارقىنى 5،2 پايىزعا ارتقان. وندىرىسكە سالىنعان ينۆەستيتسيا كولەمى دە 6،6 پايىزعا وسكەن. الايدا سالىنعان ينۆەستيتسيانىڭ نەگىزگى بولىگى سىرتتان ەمەس، وندىرىسشىلەردى ءوز قاراجاتى ەكەن. اۋىلشارۋاشىلىعى ونىمدەرى دە سوڭعى ەكى ايدا بىلتىرعى جىلدىڭ سايكەس مەرزىمىنەن 2،6 پايىزعا ارتقان. مال باسى دا وسە تۇسكەن، سونىڭ ىشىندە قارا مال 3،9.، قوي 4.، جىلقى سانى 6،6 پايىزعا ارتىپتى.

وتىرىستى وبلىس اكىمى ق.اقساقالوۆ قورىتىندىلاپ، دامۋ قارقىنىن تومەندەتپەۋ بويىنشا وتىرىسقا تىكەلەي قاتىسقاندار مەن ونلاين رەجىمىندە تىڭداپ وتىرعاندارعا ناقتى تاپسىرمالار بەردى.

 

سولتۇستىك قازاقستان وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار