باتىس قازاقستان وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى التاي قۇلقاەۆتىڭ ايتۋىنشا, وبلىس اۋماعىندا كوپبالالى 7787 وتباسى جانە 18 جاسقا دەيىنگى مۇگەدەك بالا تاربيەلەپ وتىرعان 2654 وتباسى بار. ولار ءتيىستى مەملەكەتتىك جاردەماقىلارىن الىپ وتىر. ەندى جوعارىدا اتالعان كاتەگورياعا قوسا تولىق ەمەس وتباسىلار دا «باقىتتى وتباسى» باعدارلاماسى بويىنشا تۇرعىن ءۇيدىڭ العاشقى جارناسىن تولەۋ ءۇشىن مەملەكەتتەن 1 ملن تەڭگەگە دەيىن قايتارىمسىز كومەك الىپ, باسپانالى بولا الادى.
2020 جىلى باتىسقازاقستاندىقتارعا تۇرعىن ءۇي سەرتيفيكاتىن بەرۋ ءۇشىن وبلىس بيۋدجەتىنەن 200 ملن تەڭگە قاراستىرىلعان ەكەن.
-باتىس قازاقستان وبلىسىندا «باقىتتى وتباسى» باعدارلاماسى بويىنشا نەسيەلىك وتىنىمدەردى قابىلداۋ 11 ناۋرىزدان باستالادى. ءبىرىنشى جارتىجىلدىقتا وبلىس بويىنشا 205 وتباسىعا تۇرعىن ءۇي ساتىپ الۋعا نەسيە بەرۋدى جوسپارلاپ وتىرمىز. زايم مولشەرلەمەسى بۇرىنعىسىنشا 10%-دىق باستاپقى جارنا مەن جىلدىق 2%-دى قۇرايدى. بيىلعى باستى وزگەرىس – ەڭ جوعارى تابىس كۇنكورىس مينيمۋمىنىڭ مولشەرىنە سəيكەس ەسەپتەلەتىن بولدى. ياعني, جەڭىلدەتىلگەن زايم الۋ ءۇشىن əر وتباسى مۇشەسىنە كەلەتىن تابىس مولشەرى سوڭعى التى ايدا اي سايىن ەكى كۇنكورىس ميمنيمۋمىنان, ياعني 62366 تەڭگەدەن اسپاۋى قاجەت, - دەيدى «قازاقستاننىڭ تۇرعىن ءۇي قۇرىلىس جيناق بانكى» اق باتىس قازاقستان وبلىستىق فيليالى ديرەكتورىنىڭ ورىنباسارى نۇرجان قاليشانوۆ.
تۇرعىن ءۇي سەرتيفيكاتتارىن مۇگەدەك بالالارى بار نەمەسە تاربيەلەپ وتىرعان وتباسىلار, «التىن القا», «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان, سونداي-اق ءى جانە ءىى دارەجەلى «انا داڭقى» وردەندەرىمەن ماراپاتتالعان كوپ بالالى انالار, كوپ بالالى وتباسىلار جانە تولىق ەمەس وتباسىلار, سونداي-اق قازاقستان رەسپۋبليكاسىنىڭ ۇلتتىق بانكى بەكىتكەن يپوتەكالىق باعدارلامانىڭ جانە (نەمەسە) قازاقستان رەسپۋبليكاسىنىڭ ۇكىمەتى بەكىتكەن تۇرعىن ءۇي قۇرىلىسىنىڭ مەملەكەتتىك باعدارلاماسىنىڭ تالاپتارىنا سايكەس كەلەتىن دەنساۋلىق ساقتاۋ, ءبىلىم بەرۋ, مادەنيەت, سپورت, ۆەتەريناريا جانە اگروونەركاسىپتىك كەشەن سالاسىندا ەڭبەك قىزمەتىن جۇزەگە اسىراتىن قاجەتتى ماماندار الا الادى.
ايتا كەتەيىك, وتكەن جىلى «باقىتتى وتباسى» باعدارلاماسى بويىنشا باتىس قازاقستاندىق 196 وتباسى باسپانالى بولعان.
باتىس قازاقستان
