اعىمداعى جىلدىڭ 11 ناۋرىزىندا 1ا ساناتى بويىنشا قالادا 490 ادام كارانتيندە.
كارانتيندەگىلەردە ەشقانداي كاتارالدىق قۇبىلىستار مەن قىزۋ جوق. ەسكە سالساق, ەلدىڭ باس سانيتارلىق دارىگەرىنىڭ قاۋلىسىنا سايكەس, كوروناۆيرۋس تىركەلگەن ەلدەردەن كەلۋشىلەردىڭ بارلىعى مىندەتتى 14 كۇندىك كارانتينگە وقشاۋلاۋلانادى. ولار – قحر, وڭتۇستىك كورەيا, يران جانە يتاليا سياقتى ەلدەردەن كەلۋشىلەر ءارى 1 ا ساناتىنا جاتادى.
قازاقستاندا ۆيرۋس تىركەلمەگەن. ۇكىمەت جانە اكىمدىكتەرۆيرۋستىڭ ەنۋى مەن تارالۋىنا جول بەرمەۋ ءۇشىن ناقتىلى پارمەندى شارالاردى جۇزەگە اسىرىپ وتىر. اۋرۋحانالارعا كەلۋشىلەر كوپ بولعاندىقتان, ەپيدەميالىق شيەلەنىس كەزەڭىندە قالا بيلىگى وسى ساناتتاعى ازاماتتاردى كارانتيندەۋ ءۇشىن قوسىمشا ستاتسيونارلاردى اشىلعان.
ىندەتتىڭ قالا مەن رەسپۋبليكا حالقىنىڭ اراسىندا تارالماۋى ءۇشىن ناقتىلى ءىس- شارالار قولعا الىنىپ جاتىر.
قۇزىرلى ورىندار مۇنداي ءىس-شارالارعا تۇسىنىستىكپەن قاراۋدى سۇرايدى. 14 كۇندىك كارانتين اياقتالعاننان كەيىن مەديتسينا قىزمەتكەرلەرى تاراپىنان 10 كۇن ىشىندە تەلەفون قوڭىراۋى شالىنادى. 1 ب ساناتىنا جاتاتىندار – فرانتسيا, گەرمانيا, يسپانيا ەلدەرىنەن كەلگەندەر. اتالعان ساناتتاعى ادامدار ءۇي جاعدايىندا وقشاۋلانانادى. بۇل ساناتتاعى ادامدارعا 14 كۇندىك كارانتين ۋاقىتىندا قوناقتاردىڭ ۇيگە كەلمەۋىن, تۋىستارىمەن جانە دوستارىمەن تىكەلەي بايلانىستى بارىنشا ازايتۋ ۇسىنىلادى. ءبىز حالىقتىڭ جەكە دەنساۋلىعى جاۋاپكەرشىلىكتەرىن كۇشەيتەتىنە ۇمىتتەنەمىز.
وسى كەزەڭ ىشىندە ەمحانالىق قىزمەت كاتارالدى قۇبىلىستارعا كۇن سايىن قوڭىراۋ شالۋدا. بەلگىلەر بايقالسا تۇرعىلىقتى/تىركەلگەن مەكەن-جايى بويىنشا اۋرۋحاناعا حابارلاۋ كەرەك, مەديتسينا قىزمەتكەرلەرى ۇيگە كەلىپ, تەكسەرەدى. بارلىق كەلۋشى ازاماتتار وسى جاعدايعا بىردەي قاراپ, كارانتين مەرزىمىن ۇستاۋى ءتيىس, ونى بۇزعانى ءۇشىن اكىمشىلىك ايىپپۇل سالىنادى. ەگەر ادامنىڭ ءۇي جاعدايىنداعى كارانتيندى بۇزعانى بەلگىلى بولسا, اۋماقتىق ەمحانا تاۋارلار مەن قىزمەتتەردىڭ ساپاسى مەن قاۋىپسىزدىگى كوميتەتىنە, ال ولار ءتيىستى ورگاندارعا شاعىمدانادى.
جالپى الماتى قالاسىنا تىزىمگە سايكەس 2-سانات بويىنشا (شۆەيتساريا, ۇلىبريتانيا, نيدەرلاندى) شەتەلدەردەن كەلگەن ادامدار مەديتسينالىق قىزمەتكەرلەردىڭ باقىلاۋىندا جانە كۇن سايىن امسك قىزمەتكەرلەرىمەن بايلانىستا بولادى. اتالعان اازاماتتار مەديتسينالىق ۇيىمداردا تۇراقتى باقىلاۋدا بولادى. تىزىمدەر انىقتالادى, تابىلماعان ادامدار كوشى-قون قىزمەتىنە جانە الماتى قالاسىنىڭ پوليتسيا دەپارتامەنتىنە, شەتەلدىك ازاماتتار قوسىمشا ۇقك-كە جىبەرىلدى.
ەسكە سالا كەتسەك, الماتىدا كوروناۆيرۋس تىركەلگەن جوق. قالادا كوروناۆيرۋس ينفەكتسياسىنىڭ تارالۋىنىڭ الدىن الۋ بويىنشا وڭىرلىك شتاب جۇمىس ىستەيدى. سانيتارلى-كارانتيندى باقىلاۋدىڭ كۇشەيتىلگەن شارالارى جۇزەگە اسىرىلۋدا. قالاداعى جاعداي باقىلاۋدا.
بارلىق مەديتسينالىق ۇيىمدار تولىق كولەمدە دارىلىك زاتتارمەن جانە مەديتسينالىق قاجەتتى بۇيىمدارمەن جابدىقتالعان, ءۇشىن قالا بويىنشا 3 مىڭنان استام جەكە قورعانىس قۇرالدارى مەديتسينا قىزمەتكەرلەرىن اۋرۋ جۇقتىرۋدان قورعايدى. سونىمەن قاتار, بارلىق مەديتسينالىق ۇيىمدار دەزينفەكتسيالاۋ قۇرالدارىمەن جانە تەرى انتيسەپتيكتەرىمەن قامتاماسىز ەتىلگەن.
كوروناۆيرۋستىڭ الەمدە كەڭىنەن تارالىپ جاتقانىن ەسكەرە وتىرىپ, قالانىڭ سانيتارلىق-ەپيدەميولوگيالىق قىزمەتتەرى نۇسقاۋلىقتاردى ورىنداۋدا, ال بۇل كوروناۆيرۋستىڭ ەنۋىنە قارسى پارمەندى شارالاردىڭ ءبىرى.
جاڭا كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا تومەندەگىدەي پروفيلاكتيكالىق شارالاردى ۇستانۋ قاجەت:
- قولدى, بەتتى سابىنمەن ءجيى, مۇقيات جۋ;
- قولعا ارنالعان قۇرامىندا ءسپيرتى بار انتيسەپتيكالىق قۇرالداردى قولدانۋ;
- ادامدار كوپ جينالاتىن جەرلەردەن اۋلاق بولۋ;
- ناۋقاس ادامدارمەن بايلانىس جاساماۋ;
- سۋىق تيۋ بەلگىلەرى (دەنە قىزۋىنىڭ كوتەرىلۋى, مۇرىننىڭ ءبىتۋى, جوتەل, تاماقتىڭ اۋرۋى) بايقالعان كەزدە, تۇراقتى مەكەن-جايى بويىنشا دارىگەرگە كورىنۋ قاجەت.
انىقتاما ءۇشىن تاۋلىك بويى 1406 نومىرىندەگى Call-ورتالىق جۇمىس ىستەيدى.
الماتى
