ايماقتار • 11 ناۋرىز، 2020

نۇر-سۇلتاندا حالىق ساناعىنا دايىندىق ءجۇرىپ جاتىر

41 رەتكورسەتىلدى

اعىمداعى جىلى رەسپۋبليكادا كەزەكتى ۇلتتىق حالىق ساناعىن وتكىزۋ بويىنشا ۆەدومستۆوارالىق كوميسسيا قۇرىلىپ، ءىس-شارا جوسپارى بەكىتىلدى. بۇل ورايدا استانا تۇرعىندارىنىڭ ۇلتتىق ساناققا بەلسەنە قاتىسۋى جينالعان اقپاراتتىق ماتەريالداردىڭ ساپاسىنا تىكەلەي بايلانىستى بولادى. بۇل تۋرالى ەلوردا اكىمدىگىنىڭ رەسمي سايتى حابارلادى.

ەلىمىز بويىنشا ساناق وتكىزۋ مەرزىمى 2020 جىلدىڭ 1-30 قازان ارالىعى بولىپ بەلگىلەندى. حالىقتى تولىق قامتۋ ماقساتىندا ساناق ەكى كەزەڭ بويىنشا وتەدى.

ء«بىرىنشى دايىندىق كەزەڭىندە 2020 جىلعى 1 جانە 30 ماۋسىم ارالىعىندا ساناق قىزمەتكەرى تۇرعىن ۇيلەردىڭ، باسقا دا عيماراتتاردىڭ سانىن انىقتاپ، وندا تۇرىپ جاتقان حالىق سانىن تىركەيدى. سودان كەيىن 1-30 قازان ارالىعىندا نەگىزگى حالىق ساناعى وتەدى. بەلگىلەنگەن ءتورت نىسان بويىنشا ينتەرۆيۋەرلەر ساناق پاراقشالارىن تولتىرادى. ساناقتان وتكەن بارلىق رەسپوندەنتتەرگە ينتەرۆيۋەرلەر ءتيىستى انىقتاما بەرەدى، ال ونلاين ءتارتىپ بويىنشا ساناقتان وتكەندەرگە ەلەكتروندى پوشتاعا نەمەسە تەلەفون نومىرىنە ساناقتان وتكەندىگى تۋرالى SMS-حابارلاما جىبەرىلەتىن بولادى»، - دەپ ءتۇسىندىردى ەلوردالىق ستاتيستيكا دەپارتامەنتى باسشىسىنىڭ ورىنباسارى جانار سەرىكباەۆا.    

ونىڭ ايتۋىنشا، قازاقستاندىقتار ساناقتان ءوتۋدىڭ ءداستۇرلى تۇرىمەن قاتار، ساۋالنامانى ونلاين تۇردە دە تولتىرا الادى. ەلەكتروندى تۇردە ساناقتان ءوتۋ ءۇشىن 1-15 قازان ارالىعىندا sanaq.gov.kz سايتىندا تىركەۋدەن ءوتۋ قاجەت.   قازىرگى ۋاقىتتا ەلوردادا حالىق ساناعىن وتكىزۋ كەزەڭىنە ساناق قىزمەتكەرلەرىنىڭ قۇرامىن ىزدەستىرۋ جانە ىرىكتەۋ بويىنشا جۇمىستار جۇرگىزۋدە.

ساناق قىزمەتكەرلەرىنىڭ قىزمەت كورسەتكەنى ءۇشىن ەڭبەك اقىسى بەرىلەدى: دايىندىق كەزەڭىنىڭ ينتەرۆيۋەرىنە 30 جۇمىس كۇنىنە 75 743 تەڭگە، نەگىزگى كەزەڭنىڭ ينتەرۆيۋەرىنە – 94 678 تەڭگە، نۇسقاۋشى-باقىلاۋشىعا 45 كۇنگە 113 614 تەڭگە تولەنەدى.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار