كەزدەسۋ باستالا سالا مۇزايدىن يەلەرى شابۋىلعا شىعىپ, ويىننىڭ نەبارى 4-مينۋتىندا ەسەپ اشتى. ەگور پەتۋحوۆتىڭ اسىرعان شايباسىنان كەيىن انتون ساگادەەۆ «مەتاللۋرگ» قاقپاسىن ءدال كوزدەدى. 6-مينۋتتا قوناقتار ساپىنان نيكولاي كۋليومين ەسەپتى تەڭەستىرگەنىمەن, ارادا 30 سەكۋند وتكەندە داررەن ديتس «بارىستى» قايتا العا شىعاردى. ءبىرىنشى كەزەڭ اياقتالعانعا دەيىن انتون ساگادەەۆ دۋبل اۆتورى اتانىپ, ەسەپتى 3:1-گە جەتكىزدى.
ەكىنشى كەزەڭدە ەكى كوماندا حوككەيشىلەرى ءبىر-ءبىر شايبا سوقتى. العاش 25-مينۋتتا پاۆەل اكولزين, 28-مينۋتتا ارتيوم مينۋلين مەرگەندىگىمەن كوزگە ءتۇستى. ال ءۇشىنشى كەزەڭنىڭ سوڭعى مينۋتىندا پاۆەل اكولزين ويىنداعى ەكىنشى, «بارىستىڭ» بەسىنشى شايباسىن سوقتى. قورىتىندى ەسەپ – 5:2.
«بارىس» پەن «مەتاللۋرگ» اراسىنداعى 5 ويىنعا سوزىلعان كەزدەسۋدە جەرلەستەرىمىز 4:1 ەسەبىمەن جەڭىسكە جەتىپ, گاگارين كۋبوگىنىڭ جارتىلاي فينالىنا شىقتى.
