دارىگەر عالىم تومەنگى تىنىس الۋ جولدارىنداعى ينفەكتسيالارمەن ىلەسپەلى اۋرۋلارعا شالدىققان جانە ەگدە جاستاعى تۇلعالارعا ارنالعان باكتەرياعا قارسى تەراپيانىڭ ەرەكشەلىكتەرى, قۇرامداستىرىلعان تەراپيانىڭ ءرولى جايلى كەڭىنەن اقپارات بەردى. اقپان ايىندا جانە ناۋرىزدىڭ باسىندا عالىمنىڭ دارىستەرىن قوستاناي, نۇر-سۇلتان, كوكشەتاۋ, پەتروپاۆل, پاۆلودار, سەمەي, وسكەمەن, ورال, اقتوبە, اتىراۋ جانە اقتاۋ قالالارىنىڭ تەراپەۆتەرى, پۋلمونولوگتارى, فارماتسەۆتەرى مەن جالپى پراكتيكا دارىگەرلەرى تىڭدادى.
قىسقى ماۋسىمداعى باكتەرياعا قارسى تەراپيا تاقىرىبى قازاقستاننىڭ سولتۇستىك جانە باتىس ايماقتارىنداعى دارىگەرلەرگە ارناپ تاڭدالعانى كەزدەيسوق ەمەس, ويتكەنى ءدال وسى وڭىرلەردە كليمات جاعدايىنا بايلانىستى وكپە-تىنىس جولدارى جۇيەسىنىڭ اۋرۋلارى ءجيى كەزدەسەدى. حح عاسىرداعى مەديتسينانىڭ باستى جەتىستىكتەرىنىڭ ءبىرى انتيبيوتيكتەردىڭ پايدا بولۋىمەن بايلانىستى ەكەنى بەلگىلى: ءدال وسى ۋاقىتتا قاۋىپتى ينفەكتسيالاردىڭ تارالۋىنا سەبەپ بولعان باكتەريالاردى ەمدەۋدە مەديتسينا جەڭىسكە جەتىپ, وسىنىڭ ناتيجەسىندە كوپتەگەن ادامداردىڭ ءومىر ءسۇرۋ ۇزاقتىعى كەم دەگەندە 20 جىلعا ارتتى.
ماماننىڭ ايتۋىنشا, وسى اۋرۋدى دەر ۋاقىتىندا جانە دۇرىس ەمدەمەگەن جاعدايدا وسى ساناتقا جاتاتىن ناۋقاستاردا اۋرۋ قوزىپ, ءجيى رەتتە ولىممەن اياقتالىپ جاتادى. وسىعان وراي دياگنوستيكا جاساۋ جانە دۇرىس ەمدەۋ ەڭ ماڭىزدى مەديتسيتسينالىق-الەۋمەتتىك ماسەلەلەردىڭ ءبىرى بولىپ تابىلادى. ىلەسپەلى اۋرۋلاردىڭ ءجيى رەتتە دەكومپەنساتسياعا ۇشىراۋى دا دياگنوستيكا مەن ەمدى قيىنداتىپ, جازىلىپ كەتۋگە دەگەن ءۇمىتتى السىرەتىپ جاتادى.
يگور اناتولەۆيچ ىلەسپەلى پاتولوگياسى بار اۋرۋحانادان تىس پنەۆمونياعا شالدىققان ناۋقاستاردى ۇلتتىق كلينيكالىق پروتوكولدار مەن حالىقارالىق ۇسىنىمداردى ەسكەرە وتىرىپ ەمدەۋ ماسەلەسىنە ەرەكشە كوڭىل ءبولدى. سونداي-اق, قاتىسۋشىلار رەسپۋبليكادا ارەكەت ەتەتىن نورمتيۆتىك-قۇقىقتىق اكتىلەردىڭ نەگىزىندە قاۋىپسىز مەديتسينالىق كومەك كورسەتۋدىڭ زاڭگەرلىك تۇستارىن دا اڭگىمەگە ارقاۋ ەتتى.
«انتيبيوتيكتەر ستراتەگيالىق دارىلىك زاتتار بولعاندىقتان, ولاردى ءجونسىز قولدانۋ باكتەريالاردىڭ توزىمدىلىگىنىڭ ارتۋىنا الىپ كەلۋى مۇمكىن. ال بۇل ۇلتتىق قاۋىپسىزدىككە تونگەن ۇلكەن قاتەر. ءبىزدىڭ كومپانيا باكتەرياعا قارسى دۇرىس تەراپيانىڭ بۇكىل ماڭىزدىلىعى مەن قاجەتتىلىگىن تۇسىنە وتىرىپ جانە دە انتيبيوتيكتەردى وندىرەتىن قازاقستانداعى جەتەكشى كومپانيا رەتىندە تۇراقتى تۇردە وسىنداي كونفەرەنتسيالاردى وتكىزىپ تۇرادى. سونداي-اق, قازاقستان تۇرعىندارى ءتيىمدى ءارى ساپالى ەمگە قول جەتكىزۋى ءۇشىن قولدان كەلگەننىڭ ءبارىن جاساپ كەلەدى», – دەپ اتاپ ءوتتى SANTO كومپانياسى دارىقاعازبەن بوساتىلاتىن پرەپاراتتار بولشەك ساۋدا ءبولىمىنىڭ ديرەكتورى اننا فارلەنكوۆا.
