- 9 مامىرعا دەيىن سوزىلاتىن سەنبىلىك اياسىندا ورال قالاسىنداعى ءاربىر اۋلانى تەكسەرىپ, كوگالداردى تازالايمىز, كوشەت وتىرعىزىپ, بالالار مەن سپورت الاڭدارىن جوندەيمىز. شاعىن ساۋلەت نىساندارىن جاڭارتىپ, تۇرعىن ءۇي قورىن رەتكە كەلتىرۋىمىز كەرەك. سونىمەن قاتار, قالا اۋماعىن تابيعي جانە تۇرمىستىق قوقىستاردان تازارتىپ, قۋراعان اعاشتاردى كەسىپ, شىعارامىز. كوكتەمگى سەنبىلىكتەر قالا ينفراقۇرىلىمىن جازعى كەزەڭگە كەشەندى دايىنداۋعا باعىتتالعان, - دەيدى ورال قالاسى اكىمىنىڭ ورىنباسارى ميراس مۇلكاي.
جينالعان قوقىستى قالا كوشەلەرىنەن «جايىق تازا قالا» جانە «ورال تازا سەرۆيس» مەكەمەلەرى شىعارماق. ءبىر ءتاۋىرى سەنبىلىك كەزىندە جينالعان قوقىس ارنايى پوليگونعا تەگىن قابىلدانادى ەكەن.
ميراس رۇستەم ۇلىنىڭ ايتۋىنشا, بيىل ورال قالاسى اكىمدىگى كوپقاباتتى ۇيلەر اۋلالارىن اباتتاندىرۋ بويىنشا 10 جوبانى جۇزەگە اسىرماق. وعان جالپى قۇنى 400 000,0 مىڭ تەڭگە قاراستىرىلعان. بۇل جوبانىڭ ىشىندە بالالار ويىن الاڭدارىن سالۋ, قالا كوشەلەرىندەگى 15184 شامدى اۋىستىرۋ, سۋبۇرقاقتاردى ىسكە قوسۋ سەكىلدى جوبالار بار.
باتىس قازاقستان
