سولتۇستىكقازاقستاندىق پوليتسيا دەپارتامەنتىندەگى وسىناۋ ايەلدەر كورپۋسىنىڭ قاتارىنان حالىقارالىق ايەلدەر كۇنى قارساڭىندا 37 ۇزدىك قىزمەتكەرلەر ءتۇرلى ماراپاتتار الدى. 8 ناۋرىز قارساڭىنداعى سالتاناتتى جيىندا پوليتسيا دەپارتامەنتىنىڭ باستىعى پوليتسيا پولكوۆنيگى مارات تولەباەۆ جەكە قۇرامداعى قىز-كەلىنشەكتەردى مەرەكەلەرىمەن قۇتتىقتاپ, ايەل قىزمەتكەرلەردىڭ قازاقستان ازاماتتارى مەن مەملەكەتتىڭ زاڭدى قۇقىقتارى مەن مۇددەلەرىن قورعاۋداعى, قىلمىسقاقارسى كۇرەستەگى باعا جەتپەس ۇلەسءىن اتاپ ايتتى. «قىمباتتى ايەلدەر قاۋىمى, وسى ايتۋلى كۇنى سىزدەرگە شىن جۇرەكتەن مىقتى دەنساۋلىق, سۇيىسپەنشىلىك, باقىت, وتباسىنىڭ اماندىعىن, بارلىق ارمان-تىلەكتەرىڭىزدىڭ ورىندالۋىن, ەڭبەك پەن قىزمەتتە جەتىستىكتەر, كوكتەمنىڭ جايما شۋاق كۇنىندەي كوتەرىڭكى كوڭىل-كۇي تىلەيمىن», دەدى ول ءسوزىنىڭ سوڭىندا.
ماراپاتتالعانداردىڭ اراسىنداعى التى قىزبەن كەلىنشەكتەرگە كەزەكتى ارناۋلى اتاقتار تابىس ەتىلدى. سونىڭ ىشىندە تورتەۋى «پوليتسيا مايورى» اتاعىن يەلەنسە, ەكەۋى «پوليتسيا لەيتەنانتى» پوگونىن يىقتارىنا تاقتى. «قولداۋشى», «ەرەن ەڭبەگى جانە قوسقان ۇلەسى ءۇشىن» ەستەلىك مەدالدارىمەن, پد العىس حاتى جانە گراموتاسىمەن ىشكى ورگاندارىنىڭ التى ايەل ارداگەرى ماراپاتتالدى.
سالتاناتتى ءىس-شارا وبلىستىق پوليتسيا ۆەدومستۆوسىنداعى مادەني ورتالىقتىڭ پوگون تاققان ارتىستەرى دايىنداعان اسەرلى كونتسەرتتىك باعدارلامامەن اياقتالدى.
