كوميسسيا مۇشەلەرى كوكتەمگى سۋ تاسقىنى كەزىندە توتەنشە جاعدايلار تۋىنداعان جاعدايدا تۇرعىنداردى ورنالاستىرۋ جانە قاۋىپسىزدىگىن قامتاماسىز ەتۋ كەزىندە وبلىستىق, قالالىق جانە اۋداندىق ەۆاكۋاتسيالىق كوميسسيالاردىڭ دايىندىق جاعدايى تۋرالى ماسەلەنى قارادى.
ر.الىشەۆ قاتىسۋشىلاردىڭ نازارىن ازاماتتىق قورعاۋ قىزمەتتەرىنىڭ الداعى سۋ تاسقىنىنا دايىندىعىنىڭ ماڭىزدىلىعىنا, ەۆاكۋاتسيالىق ءىس-شارالاردى جەدەل وتكىزۋگە, ادامدار ءومىرى مەن ماتەريالدىق قۇندىلىقتاردى قۇتقارۋعا اۋداردى. «قازىر ەڭ باستى مىندەت - حالىقتى جانە ءۇي جانۋارلارىن سۋ باسۋ ايماقتارىنان كوشىرۋگە, ادامدارعا العاشقى كومەك كورسەتۋگە بايلانىستى بارلىق شارالار جاساۋعا دايىن بولۋ. سونىمەن قاتار, بارلىق دەڭگەيدەگى ازاماتتىق قورعاۋ قىزمەتتەرىنىڭ ءوزارا كەلىسىمدى ءىس-قيمىلدارىنا باسا نازار اۋدارۋ كەرەك», - دەدى ول. ەۆاكۋاتسيالىق كوميسسيانىڭ دايىندىق جاعدايى تۋرالى دەپارتامەنتتىڭ ازاماتتىق قورعانىس ءبولىمىنىڭ باستىعى مايور مۇرات قانعوجينوۆ بايانداما جاساپ, ءىس- شاراعا قاتىسۋشىلاردى وبلىستاعى جۇمىستىڭ جاي-كۇيىمەن تانىستىردى.
اۋداندىق ەۆاكۋاتسيالاۋ كوميسسيالارىنىڭ جۇمىسىنا جۇرگىزىلگەن تەكسەرۋدى ەسەپكە الا وتىرىپ, ول وبلىس اۋداندارىن ەۆاكۋاتسيالاۋ جوسپارلارىن ناقتىلاۋ, ولاردا جەرگىلىكتى اتقارۋشى ورگانداردىڭ, ازاماتتىق قورعاۋ قىزمەتتەرىنىڭ, ۇيىمدار مەن شارۋاشىلىق وبەكتىلەرىنىڭ ءوزارا ءىس-قيمىل دەڭگەيىن ەگجەي-تەگجەيلى كورسەتۋ قاجەتتىگىن اتاپ ءوتتى. «وسى ۋاقىتتا دەيىن ۇلكەن جۇمىس اتقارىلدى. ەۆاكۋاتسيالىق ءىس-شارالاردى وتكىزۋ ءۇشىن تارتىلاتىن كۇشتەر مەن قۇرالداردىڭ ەسەبى جۇرگىزىلەدى».
- دەپ اتاپ ءوتتى ول.
سولتۇستىك قازاقستان وبلىسى
