كونفەرەنتسيانىڭ باستى تاقىرىبى ايەل دەنساۋلىعىنا, اتاپ ايتقاندا, جۇرەك-قان تامىرلارىنىڭ اۋرۋلارىنىڭ ەرەكشەلىكتەرى, ەمدەۋ كەزىندە كەزدەسەتىن كەدەرگىلەر جانە وسىنداي ناۋقاستاردى ەمدەۋگە ارنالعان كەشەندى تەراپيا تاسىلدەرگە ارنالدى.
بۇگىنگى تاڭدا ماسەلەنىڭ وزەكتىلىگىن ششەتسيندەگى (پولشا) پومور مەديتسينالىق ۋنيۆەرسيتەتىنىڭ زەرتتەۋشىلەرى راستاپ وتىر. ولار ايەلدەردە جۇرەك اۋرۋلارىن قوزدىراتىن فاكتورلار ەرلەردەن الدەقايدا كوپ دەگەن قورىتىندىعا كەلدى. بۇل فاكتورلارعا سەمىرۋ, گيپەرتونيا, گيپەرحولەستەرينەميا جانە ديابەت جاتادى. سونىمەن قاتار, ايەلدەردىڭ كارديوميوپاتياسى جاعدايلارىنىڭ 95%-ى كۇيزەلىستەن تۋىندايدى, بۇل دا اسەرشىل ايەل جىنىسىنا ءتان. ايەلدەردەگى جۇرەكتىڭ يشەميالىق اۋرۋى دا ەرلەردەگى يشەميالىق اۋرۋدان كوپ ەرەكشەلەنەدى. عالىمدار مۇنى ايەلدىڭ جۇرەگى ەر ادامعا قاراعاندا جەڭىلىرەك بولعانىمەن, ءجيى قىسىلاتىنىندا دەپ تۇسىندىرەدى. ايەل اعزاسىنىڭ وسى ەرەكشەلىكتەرى, سونداي-اق قالقانشا بەزىنىڭ اۋرۋلارى, ليپيد الماسۋىنىڭ بۇزىلۋى, قان اۋرۋلارى مەن فارماكوتەراپيا ساتەلليتتىك سيمپوزيۋمدار شەڭبەرىندە تالقىلانادى.
قازاقستانداعى SANTO كومپانياسى رف عىلىمىنا ەڭبەگى سىڭگەن قايراتكەر, مەديتسينا عىلىمدارىنىڭ دوكتورى, پروفەسسور, تەراپيالىق كلينيكانىڭ ديرەكتورى جانە ا. ي. ەۆدوكيموۆ اتىنداعى ماسكەۋ مەملەكەتتىك مەديتسينا جانە ستوماتولوگيا ۋنيۆەرسيتەتىنىڭ تەراپيا, كلينيكالىق فارماكولوگيا جانە جەدەل مەديتسينالىق كومەك كافەدراسىنىڭ مەڭگەرۋشىسى اركادي ۆەرتكيننىڭ عىلىمي فورۋمعا كەلۋى مەن سپيكەر رەتىندە قاتىسۋىن ۇيىمداستىردى. سونداي-اق, پروفەسسور ۆەرتكين «ەمحانالىق دارىگەر» وڭىرلىك قوعامدىق ۇيىمىنىڭ باسشىسى بولىپ تابىلادى. كونفەرەنتسياعا قازاقستاننىڭ دا تانىمال كارديولوگتارى قاتىستى. مەديتسنا عىلىمىنىڭ دوكتورى, اسسوتسياتسيالانعان پروفەسسور, «ارتەريالىق گيپەرتونيا جانە كارديوۆاسكۋليارلىق پروفيلاكتيكا جونىندەگى ماماندار قوعامى» قب پرەزيدەنتى, «قازمۇببۋ» اق كارديولوگيا كافەدراسىنىڭ مەڭگەرۋشىسى گۇلنار جۇنىسبەكوۆا «نازىك جىنىستىڭ ءالسىز تۇستارى», «جۇرەكشە فيبريللياتسياسى مەن كوموربيدتىك جاعدايى بار ايەلدەر جاعدايىن نازارعا الۋ» دەپ اتالاتىن بايانداماسىمەن ءسوز سويلەدى. سونىمەن قاتار, «س.ج.اسفەندياروۆ اتىنداعى قازۇمۋ»كە اق كارديولوگيا كافەدراسىنىڭ پروفەسسورى ميرا تۇندىباەۆا جانە باسقا دا سپيكەرلەر بايانداما جاسادى.
«جۇرەك مۇمكىندىگىنشە ۇزاق قىزمەت ەتىپ, سۇيە ءبىلۋ ءۇشىن كۇن سايىن ءبىزدىڭ قامقورلىعىمىزدى جانە باستاپقى نەمەسە قايتالاما پروفيلاكتيكانى قاجەت ەتەدى. ءبىزدىڭ كومپانيامىزدىڭ قورجىنىندا 13-تەن استام كارديوپرەپاراتتار بار. ولاردى تۇراقتى تۇردە قولدانۋ ءومىر ءسۇرۋ ساپاسىن ارتتىرۋعا مۇمكىندىك بەرەدى», - دەپ اتاپ ءوتتى SANTO كومپانياسىنىڭ ءدارى قاعازبەن بوساتىلاتىن پرەپاراتتاردى بولشەك ساتۋ ءبولىمىنىڭ ديرەكتورى اننا فارلەنكوۆا.
الماتى
