2020 جىلدىڭ قاڭتار-اقپان ايلارىندا ۇلتتىق قورعا تۇسكەن ءتۇسىم 363,2 ملرد تەڭگەنى قۇرادى, بۇل وتكەن جىلدىڭ سايكەس مەرزىمىمەن سالىستىرعاندا 37,8%-عا نەمەسە 220,7 ملرد تەڭگەگە تومەن. ونىڭ ىشىندە سالىقتىق تۇسىمدەر 358,0 ملرد تەڭگەنى قۇراپ, 2019 جىلدىڭ قاڭتار-اقپانىمەن سالىستىرعاندا 37,1%-عا تومەندەدى. تۇسىمدەردىڭ اعىمداعى سەرپىنى ساقتالعان جاعدايدا, 2020 جىلى قوردىڭ پايداسىنا جيىنتىق سالىق تولەمدەرى 2 147,8 ملرد تەڭگەنى قۇراۋى مۇمكىن. ەستەرىڭىزگە سالا كەتەيىك, 2019 جىلى ۇلتتىق قورعا تۇسكەن جيىنتىق سالىق كولەمى 2 837,2 ملرد تەڭگەنى قۇرادى.
1- كەستە. ۇلتتىق قورعا تۇسەتىن تۇسىمدەر, ملرد تەڭگە:
دەرەككوز: قرقم
سونىمەن قاتار سالىق تولەمدەرىنىڭ بارلىق تۇرلەرى ازايعانى بايقالادى. اعىمداعى جىلدىڭ ەكى ايىندا كتس بويىنشا تۇسىمدەر كولەمى 121,9 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 100,9 ملرد تەڭگەگە نەمەسە 45,3%-عا تومەن. مۇناي سەكتورى ۇيىمدارىنىڭ ونىمدەرىن ءبولۋ بويىنشا تۇسىمدەر 43,7%-عا نەمەسە 92,4 ملرد تەڭگەگە, 119,0 ملرد تەڭگەگە دەيىن ازايدى. اعىمداعى جىلى پقوس 16,7%-عا تومەن, ال رەنتالىق سالىقتان تۇسكەن تۇسىمدەر 10,4%-عا كەم. بۇل رەتتە ەسەپتى كەزەڭدە مۇناي ەكسپورتىنىڭ ايتارلىقتاي تومەندەۋى بايقالعان جوق. وسىلايشا, 2020 جىلدىڭ قاڭتار-اقپان ايلارىندا نوۆوروسسيسك پورتىندا "كاسپي قۇبىر كونسورتسيۋمى" (كقك) تەڭىز تەرمينالى ارقىلى مۇناي تيەۋ كولەمى 10,48 ملن توننانى قۇرادى, بۇل 2019 جىلدىڭ سايكەس كەزەڭىنىڭ كورسەتكىشىنەن 0,2%-عا تومەن (10,50 ملن توننا). ايتا كەتۋ كەرەك, كقك قۇبىر جۇيەسىنە قازاقستاندىق مۇناي ەكسپورتىنىڭ 75% - دان استامى كەلەدى.
ايلار بويىنشا تۇسىمدەردى ءبولۋ كەزىندە, اعىمداعى جىلدىڭ قاڭتارىندا ۇلتتىق قورعا تۇسەتىن سالىق تۇسىمدەرى 2019 جىلدىڭ قاڭتارىمەن سالىستىرعاندا 53,3%-عا ازايىپ, 51,0 ملرد تەڭگەنى قۇرادى , ال اقپان ايىندا تۇسىمدەر 33,3%-عا 307,0 ملرد تەڭگەگە دەيىن ازايدى .
2- دياگرامما. ۇلتتىق قورعا ايلار بويىنشا تۇسىمدەر, ملرد تەڭگە:
دەرەككوز: قازاقستان رەسپۋبليكاسىنىڭ قم
2020 جىلدىڭ ەكى ايىندا 838,1 ملرد تەڭگە قور قاراجاتى پايدالانىلدى. ونىڭ ىشىندە, 838,0 ملرد تەڭگە رەسپۋبليكالىق بيۋدجەتكە كەپىلدەندىرىلگەن ترانسفەرت تۇرىندە اۋدارىلدى, ال 140,5 ملن تەڭگە قور شىعىندارىن جابۋعا باعىتتالدى. وسىلايشا, ۇلتتىق قوردىڭ اكتيۆتەرى 2020 جىلدىڭ قاڭتار-اقپان ايلارىندا 474,9 ملرد تەڭگەگە, 26 565,6 ملرد تەڭگەگە دەيىن تومەندەدى. ايتا كەتەيىك, "قازاقستان رەسپۋبليكاسىنىڭ ۇلتتىق قورىنان 2020 – 2022 جىلدارعا ارنالعان كەپىلدەندىرىلگەن ترانسفەرت تۋرالى" زاڭىمەن ۇلتتىق قوردان 2020 جانە 2021 جىلدارى 2,7 ترلن تەڭگە مولشەرىندە بيۋدجەتكە كەپىلدەندىرىلگەن ترانسفەرت قاراستىرىلعان, كەيىن 2022 جىلى 2,6 ترلن تەڭگەگە دەيىن تومەندەيدى.
الماتى
