وسى ءىس-شارانىڭ اياسىندا ەكى كۇندە 5 قىلمىس اشىلدى. وسى فاكتىلەر بويىنشا 8 ادام ۇستالدى. «مال ۇرىسى», «مال سويۋشى», «ۇرلانعان مالدى وتكىزۋ ءۇشىن ساتىپ الۋشى» ساناتتارى بويىنشا 27 ادام كريمينالدىق ەسەپكە قويىلدى.
سونىڭ ىشىندە مامليۋت اۋدانىنىڭ بوستاندىق اۋلىندا ەكى مال ۇرلاعان كۇدىكتىلەر انىقتالىپ, ۇستالدى. بىلتىرعى جىلدىڭ تامىز ايىندا بەلگىسىز قاسكويلەر ەكى قورادان 7 باس قوي ۇرلاعان ەكەن. اتالعان فاكتىلەر قىلمىستىق كودەكستىڭ «ۇرلىق» بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. قىزىلجار اۋدانىندا دا 1996, 1997 جىلدارى تۋعان ەكى تۇرعىننىڭ جانە پەتروپاۆلدىق 23 جاسار جىگىتتىڭ قىلمىسقا قاتىسى بارى انىقتالدى. كۇدىكتىلەرگە قاتىستى مىندەتتى كەلۋ تۇرىندەگى بۇلتارتپاۋ شاراسى قابىلداندى. ءتارتىپ ساقشىلارى ولاردىڭ وسىعان ۇقساس باسقا دا قىلمىستارعا قاتىسى بارىن تەكسەرۋدە.
«كوپ جاعدايدا باعىلمايتىن مال ۇرلانادى. مالدى قاراۋسىز قالدىرۋعا بولمايدى. مۇنداي جاعداي قىستا دا بولىپ تۇرادى, - دەيدى سقو پد كريمينالدىق ءبولىمىنىڭ باستىعى, پوليتسيا پولكوۆنيگى پەتر كليموۆ.
ۇرلانعان مالدىڭ ەتىن ساتىپ الۋ جانە وتكىزۋ فاكتىلەرىن تابۋ ماقساتىمەن پوليتسەيلەر وبلىس جولدارىندا مال جانە ەت ونىمدەرىن تاسىمالدايتىن 123 اۆتوماشينانى تەكسەردى. سونداي-اق, بازارلار, دۇكەندەر, مال سوياتىن ورىندار دا تەكسەرىلدى. ەكى كۇننىڭ ىشىندە 66 ورىننان 15 قۇقىق بۇزۋشىلىق انىقتالدى
