قازاقستان • 27 اقپان، 2020

2019 جىلى قازاقستاننىڭ وندىرىستىك نىساندارىندا 28 وقيعا تىركەلدى

4 رەتكورسەتىلدى

2019 جىلى رەسپۋبليكانىڭ قاۋىپتى وندىرىستىك نىساندارىندا 28 وقىس وقيعا تىركەلىپ، وندا 24 ادام زارداپ شەكتى، ونىڭ ىشىندە 11 ادام قازا تاپسا، 7 ادام اۋىر جاراقات الدى جانە 6 ادام جەڭىل دارەجەدە جاراقات الدى. بارلىق اپاتتار ەگجەي-تەگجەيلى تەرگەلىپ، ءتيىستى شارالار قابىلداندى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

سالالار بويىنشا ايتساق، وقىس وقيعالار كومىر، تاۋ-كەن، مەتاللۋرگيا، مۇناي-حيميا، مۇناي-گاز ءوندىرۋ، جارىلىس جۇمىستارىن جۇرگىزەتىن وبەكتىلەردە، قازاندىق جانە گاز شارۋاشىلىقتارىندا، كوتەرگىش قۇرىلىستاردا ورىن العان. 

تەكسەرۋ اكتىلەرىنە سايكەس جازاتايىم وقيعالاردىڭ نەگىزگى سەبەبى -  ەسكىرگەن، مورالدىق جانە فيزيكالىق تۇرعىدان توزعان، قىزمەتتىڭ نورماتيۆتىك مەرزىمىن وتەگەن جابدىقتاردى پايدالانۋ.

وسى ماسەلەنى شەشۋ ءۇشىن قر يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ باستاماسى بويىنشا كاسىپورىندارمەن بىرلەسىپ جىل سايىن تەحنيكالىق قايتا جاراقتاندىرۋدىڭ جيىنتىق جوسپارى ازىرلەندى. ونىڭ شەڭبەرىندە قازىرگى ۋاقىتتا 1424 تەحنيكالىق قۇرىلعى مەن 66 تەحنولوگيالىق جەلى اۋىستىرىلدى.

مامانداردىڭ مالىمەتىنشە، تىركەلگەن وقىس وقيعالاردىڭ كەلەسى سەبەبى - ونەركاسىپتىك قاۋىپسىزدىك تالاپتارى مەن ەرەجەلەرىن بۇزۋ. ۇشىنشىدەن، وندىرىستىك باقىلاۋدىڭ تومەن بولۋى، يا بولماسا ءتىپتى جۇرگىزىلمەۋى جانە قىزمەتكەرلەردىڭ تومەن بىلىكتىلىگى.

وسىعان بايلانىستى ونەركاسىپتىك قاۋىپسىزدىك سالاسىنداعى نورماتيۆتىك قۇقىقتىق بازانى ودان ءارى جەتىلدىرۋ ماقساتىندا قازاقستان رەسپۋبليكاسى ۇكىمەتىنىڭ 2019 جىلعا ارنالعان زاڭ جوبالاۋ قىزمەتى شەڭبەرىندە ونەركاسىپتىك قاۋىپسىزدىك ماسەلەلەرى جونىندەگى زاڭ جوباسى ازىرلەندى جانە قر پارلامەنتىنىڭ ءماجىلىسىنىڭ قاراۋىنا ەنگىزىلدى.

زاڭ جوباسى ونەركاسىپتىك قاۋىپسىزدىك سالاسىنداعى زاڭناما نورمالارىن جەتىلدىرۋگە جانە مەملەكەتتىك قاداعالاۋدى ىسكە اسىرۋ تيىمدىلىگىن ارتتىرۋعا باعىتتالعان.

بۇدان بولەك، كوميتەت قىزمەتكەرلەرى مۇناي جانە گاز سالالارىنىڭ قاۋىپتى وندىرىستىك وبەكتىلەرى ءۇشىن ونەركاسىپتىك قاۋىپسىزدىكتى قامتاماسىز ەتۋ ەرەجەلەرىن قايتا قارادى. سونداي-اق قازىرگى زامانعى نورمالارعا جانە حالىقارالىق تەحنولوگيالىق تالاپتارعا سايكەس اتالعان نورماتيۆتىك قۇقىقتىق اكتىلەردى جان-جاقتى قاراۋ جانە ولارعا وزگەرىستەر ەنگىزۋ جوسپارلانعان.

يدم يندۋستريالىق دامۋ جانە ونەركاسىپتىك قاۋىپسىزدىك كوميتەتى 221 مىڭنان استام قاۋىپتى وندىرىستىك وبەكتىنى قامتيتىن 9 مىڭعا جۋىق كاسىپورىنعا ونەركاسىپتىك قاۋىپسىزدىك سالاسىندا مەملەكەتتىك قاداعالاۋدى جۇزەگە اسىرادى. نەگىزىنەن بۇل - كەنىشتەر مەن كومىر شاحتالارى، كارەرلەر، مەتاللۋرگيالىق، حيميالىق جانە مۇناي وڭدەۋ زاۋىتتارى، ماگيسترالدىق قۇبىرلاردىڭ اتوم ونەركاسىبى وبەكتىلەرى جانە باسقالار.

ونەركاسىپتىك قاۋىپسىزدىكتىڭ باستى ماقساتى - ادامداردىڭ دەنساۋلىعى مەن قورشاعان ورتاعا زيان كەلتىرۋى مۇمكىن ءتۇرلى وقىس وقيعالاردى بولدىرماۋ نەمەسە بارىنشا ازايتۋ.

2019 جىلى ءوندىرىس وشاقتارىندا 1447 تەكسەرۋ جۇرگىزىلدى. تەكسەرۋ قورىتىندىسى بويىنشا بارلىعى 50193 زاڭ بۇزۋشىلىق انىقتالدى. 168 ملن. تەڭگەدەن استام قارجىعا 1885 ايىپپۇل سالىندى، ونىڭ ىشىندە 1422 زاڭدى جانە 463 جەكە تۇلعاعا. 

سوڭعى جاڭالىقتار

ۇقساس جاڭالىقتار