سايىسقا ەلىمىزدىڭ تۇكپىر-تۇكپىرىنەن 100-دەن اسا مۇعالىم ءوتىنىم جىبەردى. وليمپيادا قورىتىندىسى بويىنشا 20 پەداگوگ ۇزدىك اتانىپ, جەڭىمپازدارعا ديپلومدار مەن قارجىلاي سىيلىقتار تابىستالدى. جالپى جۇلدە قورى – 2 000 000 تەڭگە.
«وليمپياداعا ءبىز ماڭعىستاۋ وبلىسىنان كەلىپ قاتىستىق. ەسەپتەر وتە قىزىق ءارى كۇردەلى بولدى. جارىستا مۇعالىمدەردىڭ اكادەميالىق ادالدىقتى ساقتاۋىنا ۇلكەن ءمان بەرىلدى. باسەكەلەستەر دە مىقتى, مەنەن دە تاجىريبەلى جانە ءبىلىمدى مۇعالىمدەردىڭ بولعانى انىق. بىراق باعىمىز جانىپ, 1-ورىن يەلەندىك. بەلگىلى ماتەماتيك اسقار جۇمادىلداەۆتىڭ قولىنان ماراپات الۋدى ۇلكەن مارتەبە سانايمىن», دەيدى ماڭعىستاۋ وبلىسىنان قاتىسقان جۇلدەگەر باۋىرجان كۋبەەۆ.
جەڭىمپازداردىڭ ءبىرى اسىلان ماقۇلبەك تە وسىنداي وليمپيادالاردىڭ ماڭىزى جوعارى ەكەنىن ايتادى.
ء«بىلىم سايىسى مۇعالىمدەردىڭ ءبىلىمىن تەكسەرىپ قانا قويماي, لوگيكالىق ويلاۋ مەن شىعارماشىلىق قابىلەتىن ارتتىرادى. مۇنداي الاڭدا ءبىز ءوزارا تاجىريبە الماسامىز. ءبىلىمىمىزدى ساراپقا سالۋعا مۇمكىندىك بەرەتىن وسىنداي وليمپيادالار جيىرەك ءوتىپ تۇرسا جاقسى بولار ەدى», دەيدى ول.
ۇيىمداستىرۋشى, Beta High School ديرەكتورى ءارى ماتەماتيكا مۇعالىمى باقنۇر زيابەكوۆتىڭ ايتۋىنشا مۇنداي وليمپيادا وسكەلەڭ بۋىن ءۇشىن دە پايدالى.
ەلوردادا رەسپۋبليكالىق وليمپيادا جەڭىمپازدارى ماراپاتتالدى
«بىزدە ۇلت تۇلعالارىنىڭ مەرەيتويىندا بايگە, كوكپار, ايتىس سەكىلدى ۇلكەن تويلار ءوتىپ جاتادى. بۇل جولى ۇردىسكە وزگەرىس ەنگىزىپ, اسقار اعامىزدىڭ 70 جىلدىعىندا وليمپيادا وتكىزۋدى ءجون كوردىك. نەگە دەسەڭىز, ءبىلىمدى ومىردە قولدانۋدى زەرتتەيتىن حالىقارالىق PISA رەيتينگى بويىنشا ءبىزدىڭ ەل 80-ورىندا تۇر. ال TIMSS بويىنشا ۇزدىك وتىز ەلدىڭ قاتارىندامىز. بۇل ءبىزدىڭ بالالار ءبارىن بىلەدى, بىراق ومىردە قولدانا المايدى دەگەن ءسوز. ماتەماتيكالىق ساۋاتتىلىق كورسەتكىشى تومەن دەگەندى بىلدىرەدى. ءبىز جارىستا مۇعالىمدەرگە قولدانبالى ەسەپتەر بەرىپ, ولاردىڭ بىلىكتىلىگىن ارتتىرۋدى كوزدەيمىز», دەيدى ۇستاز.
ءبىلىم سالاسىنىڭ ساراپشىسى نۇرلان قياسوۆتىڭ ايتۋىنشا ۋاقىت تالابى وزگەرىپ جاتقاندىقتان ەندى جاي عانا فورمۋلامەن ەسەپ شىعارۋ جەتكىلىكسىز.
استانادا حالىقارالىق جاساندى ينتەللەكت وليمپياداسى وتەدى
«قازىرگى تاڭدا ادامنىڭ ماتەماتيكالىق ءبىلىمى, ادىستەرى مەن لوگيكاسىن ومىردەگى قولدانبالى ماسەلەلەردى شەشۋ ءۇشىن قولدانا ءبىلۋ قابىلەتى ماڭىزدى. بۇل ماتەماتيكالىق ساۋاتتىلىق دەپ اتالادى. وسى تۇستا قازاقستاندىق ءبىلىم بەرۋ جۇيەسىندە تۇيتكىلدى ماسەلەلەر بار. ماتەماتيكالىق ساۋاتتىلىعى تومەن مەكتەپ تۇلەكتەرىنىڭ ۇلەسى ءالى دە جوعارى. تۇلەكتەردىڭ ەسەپ شىعارا العانىمەن, ولاردىڭ 70%-عا جۋىعى ماتەماتيكالىق ساۋاتى تومەن بولىپ وتىر. بۇل مۇعالىمدەردىڭ نەمەسە وقۋشىلاردىڭ كىناسى ەمەس. بىزگە پاندەردىڭ مازمۇنى مەن وقىتۋ ادىستەمەسىن تۇبەگەيلى قايتا قاراۋ قاجەت», دەيدى ول.
وليمپيادا ماتەماتيكا ءپانىن وقىتۋدىڭ قولدانبالى دەڭگەيىن كوتەرىپ قانا قويماي, ماتەماتيكا مۇعالىمى ماماندىعىنىڭ بەدەلىن ارتتىرۋعا ىقپال ەتتى.
