فوتو: اشىق دەرەككوز
ءتىنتۋ بارىسىندا زاڭسىز اينالىمنان اتىس قارۋلارى, ونىڭ ىشىندە سايكەستەندىرۋ نومىرلەرى جويىلعان تاپانشالار مەن كالاشنيكوۆ اۆتوماتى, سونداي-اق ءارتۇرلى كاليبرلى 500-گە جۋىق وق-ءدارى تاركىلەندى.
جەدەل دەرەكتەرگە سايكەس, قىلمىسكەرلەر اتالعان قارۋ-جاراقتى كاسىپكەرلەرگە قىسىم كورسەتۋ ماقساتىندا قولدانباق بولعان. قۇقىق قورعاۋ ورگاندارىنىڭ دەر كەزىندە جۇرگىزگەن شارالارى اۋىر سالداردىڭ الدىن الۋعا مۇمكىندىك بەردى.
مينيسترلىك بۇل باعىتتاعى جۇمىستىڭ جالعاساتىنىن اتاپ ءوتتى. ۆەدومستۆونىڭ مالىمەتىنشە, «زاڭ مەن ءتارتىپ» قاعيداتى قاتاڭ ساقتالىپ, قوعامدىق تۇراقتىلىققا قاۋىپ توندىرەتىن كەز كەلگەن ارەكەتتەر زاڭ اياسىندا توقتاتىلادى.
