ايماقتار • 27 اقپان، 2020

جامبىل وبلىسىندا 31 مىڭنان استام وتباسى جاردەماقى العان

42 رەتكورسەتىلدى

اعىمداعى جىلدىڭ 1 قاڭتارىنان باستاپ جامبىل وبلىسىندا 31 مىڭنان استام كوپبالالى وتباسى جاڭا مەملەكەتتىك جاردەماقى الدى. بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە ەڭبەك، الەۋمەتتىك قورعاۋ جانە كوشى-قون كوميتەتىنىڭ جامبىل وبلىسى بويىنشا دەپارتامەنت باسشىسىنىڭ ورىنباسارى ولگا كاتيلەۆسكايا مالىمدەدى.

«اتالعان مەملەكەتتىك جاردەماقىنى ەنگىزۋ مەملەكەت باسشىسىنىڭ اعىمداعى جىلعى 2 قىركۇيەكتەگى قازاقستان حالقىنا جولداۋىندا ايتىلعان تاپسىرماسى بويىنشا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ نەگىزگى ءۇش باعىتىنىڭ ءبىرى بولىپ تابىلادى. مەملەكەتتىك جاردەماقى 4 نەمەسە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن بالالارى بار بارلىق كوپبالالى وتباسىلارعا تابىسىنا قاراماستان تولەنەدى دەپ جوسپارلانۋدا. مەملەكەتتىك جاردەماقىنىڭ مولشەرى بالا سانىنا قاراي سارالانادى. ياعني، 4 بالاسى بار وتباسىلارعا 42 500 تەڭگە، 5 بالاعا 53 125 تەڭگە، 6 بالاعا 63 750 تەڭگە، 7 جانە ودان دا كوپ بالالارعا 74 375 تەڭگە تولەنەدى»، دەدى ولگا كاتيلەۆسكايا.

ايتا كەتەرلىگى، دەپارتامەنت باسشىسىنىڭ ورىنباسارى «التىن القا»، «كۇمىس القا» العان نەمەسە بۇرىن «باتىر انا» اتاعىن العان جانە «انا داڭقى» وردەنىمەن ماراپاتتالعان كوپبالالى انالارعا جەكە مەملەكەتتىك جاردەماقى تولەنەتىنىن دە جەتكىزدى. ولاردىڭ ورتاشا مولشەرى 16 160 تەڭگەنى قۇرايدى. جامبىل وبلىسىندا ونى 20 مىڭعا جۋىق ايەلدەر الادى. بۇل مەملەكەتتىك جاردەماقىنىڭ تولەنۋى ساقتالا بەرەدى.

 

جامبىل وبلىسى

سوڭعى جاڭالىقتار

ۇقساس جاڭالىقتار