قازاقستان • 27 اقپان، 2020

ماجىلىستە اۋديتورلىق قىزمەت زاڭ جوباسىنىڭ تانىستىرىلىمى ءوتتى

3 رەتكورسەتىلدى

بۇگىن ماجىلىستە قارجى جانە بيۋدجەت كوميتەتىنىڭ وتىرىسى ءوتتى. وندا پارلامەنت دەپۋتاتتارىنىڭ باستاماسىمەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋديتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تانىستىرىلدى.

قۇجات جوباسىن حالىقارالىق تاجىريبەنى ەسكەرە وتىرىپ، اۋديتورلىق قىزمەتتى، مەملەكەتتىك اۋديت پەن قارجىلىق باقىلاۋدى جانە بۋحگالتەرلىك ەسەپتى جەتىلدىرۋ ماقساتىندا قازاقستان رەسپۋبليكاسى پارلامەنتىنىڭ دەپۋتاتتارى گ. قاراعۇسوۆا، ن. قىلىشباەۆ، و. وكسىكباەۆ، و. پەرەپەچينا جانە ت. ياكوۆلەۆا ازىرلەدى. وتىرىستا اۋديتورلىق قىزمەت ماسەلەلەرىنە قاتىستى دەپۋتات ومارحان وكسىكباەۆ بايانداما جاساپ، اۋديت ساپاسىن جانە بيۋدجەت قاراجاتىن پايدالانۋ تيىمدىلىگىن ارتتىرۋ ماقساتىندا اۋديتورلىق قىزمەت، مەملەكەتتىك اۋديت جانە قارجىلىق باقىلاۋ، بۋحگالتەرلىك ەسەپ جۇيەسىن ودان ءارى جەتىلدىرۋدىڭ نەگىزگى باعىتتارى تالقىلاندى.

جالپى زاڭ جوباسىندا اۋديتورلىق قىزمەتتى رەتتەۋ جونىندەگى تاۋەلسىز ورگان قۇرۋ، ساپاعا تاۋەلسىز سىرتقى باقىلاۋ جۇرگىزۋ، قارجى مينيسترلىگىنىڭ تاپسىرماسى بويىنشا قارجىلىق ەسەپتىلىك ءاۋديتىن وتكىزۋگە ىشكى اۋديت قىزمەتىنىڭ قاتىسۋى، تيىمدىلىك اۋديتىنە بىركەلكى كوزقاراستى قامتاماسىز ەتۋ، تاپسىرىس بەرۋشىنىڭ، مەملەكەتتىك ساتىپ الۋدى ۇيىمداستىرۋشىنىڭ، كوميسسيالاردىڭ، ساراپشىنىڭ، مەملەكەتتىك ساتىپ الۋ سالاسىنداعى بىرىڭعاي وپەراتوردىڭ جانە ت.ب. شەشىمدەرىنىڭ ارەكەتتىگىنە (ارەكەتسىزدىگىنە) شاعىمدانۋ ءتارتىبىن ناقتىلاۋ كوزدەلدى.

تانىستىرىلىمعا ءماجىلىس دەپۋتاتتارى، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ، قارجى مينيسترلىگىنىڭ جانە باسقا دا بىرقاتار مەملەكەتتىك ورگانداردىڭ، «اتامەكەن» ۇكپ-نىڭ، قازاقستان قارجىگەرلەر قاۋىمداستىعىنىڭ، كاسىبي اۋديتورلىق ۇيىمدار مەن اۋديتورلىق كومپانيالاردىڭ، سونداي-اق وزگە دە مۇددەلى ۇيىمداردىڭ وكىلدەرى قاتىستى.

وسى زاڭ جوباسى بويىنشا جۇمىس توبىنىڭ جەتەكشىسى بولىپ پارلامەنت ءماجىلىسىنىڭ دەپۋتاتى، قارجى جانە بيۋدجەت كوميتەتىنىڭ حاتشىسى ت. ياكوۆلەۆا بەلگىلەندى.


سوڭعى جاڭالىقتار

ۇقساس جاڭالىقتار