ايماقتار • 27 اقپان، 2020

كولىگىنە VIP ءنومىر الۋدا الماتى، نۇر-سۇلتان، شىمكەنت قالالارى كوش باستاپ تۇر

74 رەتكورسەتىلدى

كولىكتەردىڭ VIP ساناتىنداعى مەملەكەتتىك تىركەۋ نومىرلەرى 2014 جىلدان بەرى ساتىلىمدا بار ەكەنى بەلگىلى. قازاقستاندىقتار قالاۋىنشا ساندار تىزبەگىن تاڭداپ، بىردەي ساندارعا، ارىپتەرگە تاپسىرىس بەرە الادى.

2019 جىلى ەل ازاماتتارى اۆتوحقو ارقىلى 3،018 ملرد تەڭگەگە 12 658 ەرەكشە تىركەۋ ءنومىرىن ساتىپ العان. بۇل قارجىلاي كورسەتكىش 2018 جىلمەن سالىستىرعاندا جارتى ميلليارد تەڭگەگە از. بىلتىر قازاقستاندىقتار 14 909 VIP ءنومىرى ءۇشىن 3،560 ملرد تەڭگە جۇمساعان.

وسى ارادا ايتا كەتكەن ءجون، بۇرىن مامانداندىرىلعان حقو-مەن قاتار ەرەكشە نومىرلەردى پوليتسيانىڭ تىركەۋ-ەمتيحان الۋ بولىمدەرى دە راسىمدەيتىن.

بۇگىندە ەرەكشە ساندار مەن ارىپتەردىڭ تىزبەگىن كوپ ساتىپ الاتىنداردىڭ رەيتينگىن الماتى، نۇر-سۇلتان مەن شىمكەنت قالالارىنىڭ تۇرعىندارى باستاپ تۇر.

كولىك يەلەرى جاڭادان ساتىپ العان تەمىر تۇلپارىنا ەرەكشە نومىرلەردى مامانداندىرىلعان حقو نەمەسە egov.kz  ارقىلى ونلاين تىركەۋ بارىسىندا تاڭداي الادى. سونداي-اق ەگەر ازاماتتىڭ بۇرىننان VIP-ءنومىرى بولسا، جاڭادان العان كولىگىنە التى اي ىشىندە سول ءنومىردى قايتا راسىمدەۋگە قۇقىعى بار.

سوڭعى جاڭالىقتار

ۇقساس جاڭالىقتار