قازاقستان • 27 اقپان، 2020

ءسىم جانە ەۋروپالىق پارلامەنت ىنتىماقتاستىق پەرسپەكتيۆالارىن تالقىلادى

8 رەتكورسەتىلدى

قازاقستان رەسپۋبليكاسى سىرتقى ىستەر مينيسترلىگىندە «قازاقستان رەسپۋبليكاسى - ەۋروپالىق وداق» پارلامەنتتىك ىنتىماقتاستىق كوميتەتىنىڭ 17-ءشى وتىرىسىنا قاتىسۋ ءۇشىن ەلىمىزگە كەلگەن ەۋروپالىق پارلامەنتتىڭ رەسمي دەلەگاتسياسىمەن كەزدەسۋ ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

ەۋروپالىق پارلامەنت دەلەگاتسياسىنىڭ قۇرامىنا بولگاريا، گەرمانيا، يتاليا، لاتۆيا، ليتۆا، ماجارستان، پولشا جانە فرانتسيا دەپۋتاتتارى كىردى.

كەلىسسوزدەردىڭ نەگىزگى تاقىرىبى قازاقستان مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمنىڭ (كاىك) تولىق كۇشىنە ەنۋى قارساڭىندا ىنتىماقتاستىقتىڭ ساياسي جانە ساۋدا-ەكونوميكالىق پەرسپەكتيۆالارىن تالقىلاۋ بولدى. بۇل رەتتە، ورتالىق ازيا بويىنشا ەۋروپالىق وداقتىڭ جاڭا ستراتەگياسى شەڭبەرىندە پراكتيكالىق ءوزارا ءىس-قيمىلعا جانە ەۋروپا مەن ازيانىڭ ءوزارا بايلانىسىنا ەرەكشە نازار اۋدارىلدى.

قازاقستان ديپلوماتتارى ەۋروپالىق ساياساتكەرلەردى كاىك شەڭبەرىندە ەكىجاقتى ارىپتەستىكتى جانداندىرۋعا، سونداي-اق ەۋروپا ەلدەرىمەن ىسكەرلىك جانە مادەني-گۋمانيتارلىق الماسۋلاردى ارتتىرۋ ماقساتىندا قر ازاماتتارى ءۇشىن ۆيزالىق رەجيمدى جەڭىلدەتۋ بويىنشا قر مەن ەو اراسىنداعى كەلىسسوزدەر پروتسەسىن جىلدام ىسكە قوسۋعا شاقىردى. 

ءوز كەزەگىندە ەپ دەلەگاتسياسىنىڭ باسشىسى ف. مارتۋشەللو 2020 جىلعى 20 قاڭتاردا بريۋسسەلدە وتكەن قر-ەو ىنتىماقتاستىق كەڭەسىنىڭ 17-ءشى وتىرىسىنىڭ قورىتىندىلارى بويىنشا ەو ينستيتۋتتارىمەن قر پرەزيدەنتى ك. توقاەۆتىڭ دەموكراتيالىق جانە الەۋمەتتىك-ەكونوميكالىق رەفورمالارىن قولداۋ تۋرالى تاراپتاردىڭ قول جەتكىزگەن ۋاعدالاستىقتارىنا جوعارى باعا بەردى.

سوڭعى جاڭالىقتار

ۇقساس جاڭالىقتار