پارلامەنت • 27 اقپان، 2020

قازاقستان مەن ارمەنيا اراسىنداعى قوسارلانعان سالىقتى بولدىرماۋ ماسەلەسى قارالدى

404 رەتكورسەتىلدى

سەناتتا قارجى جانە بيۋدجەت كوميتەتىنىڭ توراعاسى ولگا پەرەپەچينانىڭ توراعالىق ەتۋىمەن بولعان كوميتەتتىڭ كەڭەيتىلگەن وتىرىسىندا «2006 جىلعى 6 قاراشاداعى قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكىمەتى اراسىنداعى تابىس پەن م ۇلىككە سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيا جانە وعان حاتتاما شەڭبەرىندە رەسپۋبليكاسىنىڭ جانە ارمەنيا رەسپۋبليكاسىنىڭ ۋاكىلەتتى ورگاندارى بەرگەن رەزيدەنتتىكتى راستايتىن رەسمي قۇجاتتاردى تانۋ ءتارتىبى تۋرالى نوتالار الماسۋ نىسانىنداعى كەلىسىمدى راتيفيكاتسيالاۋ تۋرالى» زاڭ جوباسى قارالدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

شاراعا سەنات دەپۋتاتتارى مەن قارجى مينيسترلىگىنىڭ وكىلدەرى قاتىستى.

قازاقستان مەن ارمەنيا اراسىنداعى قوسارلانعان سالىقتى بولدىرماۋ جونىندەگى زاڭ جوباسىن قارجى ءمينيسترىنىڭ ورىنباسارى قانات باەدىلوۆ تانىستىردى.

«بۇل ءراسىم ەكى مەملەكەتتىڭ سالىق تولەۋشىلەرىنە اپوستيل قويىلماعان رەزيدەنتتىك-سەرتيفيكاتىن سالىق اگەنتىنە ۇسىنۋعا مۇمكىندىك بەرەدى. كەلىسىمدى ورىنداۋ ءۇشىن مەملەكەتتىك بيۋدجەتتەن قارجىلىق شىعىندار تالاپ ەتىلمەيدى. سىزدەردەن وسى كەلىسىمدى راتيفيكاتسيالاۋ تۋرالى وڭ شەشىم قابىلداۋلارىڭىزدى سۇرايمىن»، - دەدى ق.باەدىلوۆ.

قارجى جانە بيۋدجەت كوميتەتىنىڭ حاتشىسى ەربولات مۇقاەۆ ەكىجاقتى كەلىسىمنىڭ سالىق تولەۋشىلەرگە قانداي ناقتى جەڭىلدىكتەر بولاتىنىن سۇرادى.

قارجى ءمينيسترى ورىنباسارىنىڭ ايتۋىنشا، بۇل ءراسىم ەكى مەملەكەتتىڭ سالىق تولەۋشىلەرىنە اپوستيل قويىلماعان رەزيدەنتتىك-سەرتيفيكاتىن  سالىق اگەنتىنە ۇسىنۋعا مۇمكىندىك بەرەدى. «قازىرگى ۋاقىتتا ءبىزدىڭ ەلدىڭ ازاماتتارى ارمەنياعا بارىپ قىزمەت نەمەسە تاۋار ۇسىنسا قوسىمشا تابىس سالىعىن تولەيدى. ول ءۇشىن ارنايى سەرتيفيكاتى بولۋى قاجەت. ال وسى جاسالعالى جاتقان كەلىسىمنىڭ نەگىزىندە قوسىمشا سالىق تولەۋدىڭ قاجەتى جوق. ياعني بۇل مەملەكەت تاراپىنان كورسەتىلىپ وتىرعان قولداۋ بولىپ تابىلادى. اتالعان زاڭ جوباسىن راتيفيكاتسيالاۋ باستاماسىن قازاقستان ۇسىنىپ وتىر»، - دەپ جاۋاپ بەردى قارجى ءمينيسترىنىڭ ورىنباسارى قانات باەدىلوۆ.

كوميتەت توراعاسى ولگا پەرەپەچينا زاڭ جوباسىن تالقىلاۋدى قورىتىندىلاي كەلىپ، ونى سەناتتىڭ جالپى وتىرىسىندا قاراۋدى ۇسىندى. «بۇگىندە قازاقستان اۋماعىندا ارمەنيا ەلىنىڭ 42 زاڭدى تۇلعاسى تىركەلگەن. ەل بيۋدجەتىنە 56 ملن تەڭگە كورپوراتيۆتىك سالىق ءتۇستى. ەكى ەل دە ەكونوميكالىق ىنتىماقتاستىق جانە دامۋ ۇيىمىنىڭ مۇشەسى بولىپ تابىلادى. وتكەن جىلعى قازاقستان مەن ارمەنيا اراسىنداعى تاۋار اينالىمى 16 ملن اقش دوللارىن قۇرايدى»، - دەدى و.پەرەپەچينا.

ەكىجاقتى كەلىسىم قازاقستان رەسپۋبليكاسى مەن ارمەنيا رەسپۋبليكاسىنىڭ ۋاكىلەتتى ورگاندارى رەزيدەنتتىكتى راستايتىن رەسمي قۇجاتتاردى تانۋدىڭ قانداي دا ءبىر ارناۋلى كۋالاندىرۋ نەمەسە كونسۋلدىق زاڭداستىرۋدى جويۋ ارقىلى جەڭىلدەتىلگەن ءتارتىپ بەلگىلەۋگە مۇمكىندىك بەرەدى.

زاڭ جوباسى پالاتا قاراۋىنا جىبەرىلدى.

سوڭعى جاڭالىقتار

ۇقساس جاڭالىقتار