«ورلان 2000» اۋە كومپانياسىنىڭ ان-2 اۋە كەمەسى سانيتارلىق تاپسىرما بويىنشا وسكەمەن – اقسۋات باعىتى بويىنشا ساپاردى ورىنداعان. ساعات 12.50 كەزىندە ەكيپاج قوزعالتقىشتىڭ شتاتتان تىس جاعداي تۋرالى بايان ەتتى. اۋە كەمەسىنىڭ كومانديرى وسكەمەن اۋەجايىنان ءبىر جارىم شاقىرىمدا ورنالاسقان اۋدانعا ءماجبۇرلى تۇردە قونۋ تۋرالى شەشىم قابىلدادى. بورتتا 5 ادام – 3 ەكيپاج مۇشەسى مەن 2 قىزمەتتىك جولاۋشى بولعان. ءبارى امان», - دەپ حابارلايدى ازاماتتىق اۆياتسيا كوميتەتىنەن.
ازىرگە ۇشاقتىڭ قۇلاۋ سەبەبى بەلگىسىز. وقيعا ورنىنا وبلىستىق توتەنشە جاعداي دەپارتامەنتىنىڭ قۇتقارۋشىلارى اتتانعان. وبلىستىق دەنساۋلىق ساقتاۋ باسقارماسى ءبىر ادامنىڭ ەمحاناعا جاتقىزىلعانىن حابارلادى.
