الەم • 26 اقپان، 2020

قازاقستان ەلشىسى سلوۆاكيا پرەزيدەنتىنە سەنىم گراموتالارىن تاپسىردى

13 رەتكورسەتىلدى

رومان ۆاسيلەنكو رەزيدەنتسياسى براتيسلاۆادا ورنالاسقان قازاقستاننىڭ وسى ەلدەگى تۇڭعىش توتەنشە جانە وكىلەتتى ەلشىسى رەتىندە سلوۆاك رەسپۋبليكاسىنىڭ پرەزيدەنتى زۋزانا چاپۋتوۆاعا سەنىم گراموتالارىن تاپسىردى. بۇل تۋرالى ءسىم ءباسپاسوز قىزمەتى حابارلادى.

تاپسىرۋ سالتاناتىنان كەيىنگى سۇحبات بارىسىندا ر. ۆاسيلەنكو پرەزيدەنت قاسىم-جومارت توقاەۆتىڭ جانە جالپى قازاقستان باسشىلىعىنىڭ سلوۆاكيامەن جان-جاقتى ءوزارا ءتيىمدى ىنتىماقتاستىقتى دامىتۋعا قىزىعۋشىلىعىن اتاپ، وتكەن جىلى ەلىمىزدىڭ براتيسلاۆاداعى ەلشىلىگىنىڭ اشىلۋى بۇنىڭ ايقىن دالەلى ەكەنىنە نازار اۋداردى.

ەكى ەل اراسىندا ءالى تولىققاندى ىسكە قوسىلماعان ىنتىماقتاستىقتىڭ الەۋەتى ساۋدا-ەكونوميكالىق، مادەني-گۋمانيتارلىق ىقپالداستىق پەن ادامدار اراسىنداعى بايلانىستاردى نىعايتۋ سالاسىندا جاتقانى اتاپ ءوتىلدى. 

قازىرگى تاڭدا قازاقستاندا سلوۆاك ۇلەسى بار 40-تان استام كومپانيا قىزمەت ەتۋدە. ءوزارا ءىس-ارەكەتتەستىكتىڭ ايتارلىقتاي پەرسپەكتيۆالارى ينجينيرينگ، قورعانىس ونەركاسىبى، ەنەرگەتيكا، IT، فارماتسەۆتيكا، اۋىل شارۋاشىلىق ونىمدەردى قايتا وڭدەۋ جانە تاعى باسقا سالالاردا بايقالۋدا. سونىمەن قاتار، ءۇ.ج. 1 ناۋرىزدان باستاپ قازاقستان مەن ەۋروپالىق وداق جانە وعان مۇشە-مەملەكەتتەر اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ تولىق كۇشىنە ەنۋى تۇرعىسىندا ەكى ەلدىڭ ءوزارا ءىس-ارەكەتتەستىگىن كۇشەيتۋ ءۇشىن قولايلى پەرسپەكتيۆالاردىڭ پايدا بولاتىنى دا ەرەكشە اتالدى.

ءوز كەزەگىندە پرەزيدەنت ز. چاپۋتوۆا قازاقستاننىڭ براتيسلاۆاداعى ەلشىلىگىنىڭ اشىلۋىنىڭ پوزيتيۆتىك ءمانىن ايتا كەلە، ەلدەرىمىز اراسىنداعى سوڭعى جىلدارداعى ىنتىماقتاستىقتىڭ قارقىنى ودان ءارى كۇشەيە بەرەتىنىنە ءۇمىت ءبىلدىردى.

سۇحباتتاسۋشىلار ەكى ەل اراسىندا تاريحي دامۋدا، سونداي-اق نارىقتىق ەكونوميكالى دەموكراتيالىق مەملەكەتتەر رەتىندە قالىپتاسۋىنىڭ قازىرگى كەزەڭىندە كوپتەگەن ۇقساستىقتار بار ەكەنىن اتاپ ءوتتى. بۇل ىنتىماقتاستىقتى ودان ءارى نىعايتۋ جانە تاجىريبەمەن الماسۋ ءۇشىن جاقسى العىشارت جاسايدى.

Cۇحبات بارىسىندا كليماتتىڭ وزگەرۋىنە قارسى كۇرەس جانە بالامالى ەنەرگەتيكانى دامىتۋ جونىندەگى ەكى ەلدىڭ كۇش-جىگەرىنە ەرەكشە كوڭىل ءبولىندى. 2050 جىلعا دەيىن كومىرتەك بەيتاراپتىعىنا قول جەتكىزۋ جونىندە قابىلداعان مىندەتتەمەلەرى تۇرعىسىندا سلوۆاك مەملەكەتىنىڭ باسشىسى 2050 جىلعا قاراي جاڭارتىلمالى ەنەرگيا كوزدەرى ەسەبىنەن ەلىمىزدىڭ ەنەرگەتيكالىق قاجەتتىلىگىنىڭ 50 پايىزىن قامتاماسىز ەتۋ ءۇشىن قازاقستاندا جۇرگىزىلىپ جاتقان كۇن، جەل جانە بالامالى ەنەرگەتيكانىڭ باسقا دا تۇرلەرىن دامىتۋ جۇمىسى تۋرالى اقپاراتتى قىزىعۋشىلىقپەن قابىلدادى.

جىلى اتموسفەرادا وتكەن سۇحباتتان كەيىن ز. چاپۋتوۆا قازاقستان باسشىلىعى مەن حالقىنا ىزگى تىلەكتەرىن ءبىلدىردى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار